ಆಕ್ರೋಶ: 50 ಕೆ.ಜಿ. ಮೂಟೆಗೆ 1300 ರೂ. ನೀಡಿ ರಸಗೊಬ್ಬರ ಖರೀದಿಮಾಡಿದ್ದು, ಒಂದೆಡೆ ಗೊಬ್ಬರಕ್ಕೆ ನೀಡಿದ ಹಣ ಹಾಗೂ ಬೆಳೆ ಎರಡೂ ನಷ್ಟವಾಗಿದೆ. ಸಾಕಷ್ಟು ಮಂದಿ ರಸಗೊಬ್ಬರವನ್ನು ಪರಿಶೀಲಿಸುವುದಿಲ್ಲವಾದ ಕಾರಣ ಈ ರೀತಿಯ ವಂಚನೆ ನಡೆದಿದ್ದರೂ ಬೆಳಕಿಗೆ ಬಂದಿಲ್ಲ. ರೈತರಿಗೆ ರಸಗೊಬ್ಬರದ ಹೆಸರಿನಲ್ಲಿ ಮಣ್ಣಿಗೆ ಬಣ್ಣ ಕಟ್ಟಿ ಮಾರಲಾಗುತ್ತಿದೆ. ರಸಗೊಬ್ಬರದ ಹೆಸರಿನಲ್ಲಿ ಕಳಪೆ ಗುಣಮಟ್ಟದ ಡಿಎಪಿಯನ್ನು ಮಾರಾಟ ಮಾಡಿರುವ ಬಗ್ಗೆ ಸಂಬಂಧಿಸಿದ ಅಧಿಕಾರಿಗಳು ಗಮನಹರಿಸಬೇಕು, ರೈತರಿಗೆ ನಿರಂತರವಾಗಿ ವಂಚನೆ ಮಾಡುತ್ತಿದ್ದು, ಇದಕ್ಕೆ ಕಾರಣರಾದವರ ವಿರುದ್ಧ ಕಠಿಣ ಕ್ರಮ ಜರುಗಿಸಬೇಕು ಎಂದು ರೈತ ಮಹೇಶ್ ಹಾಗೂ ಬೇವೂರು ಭಾಗದ ರೈತರು ಆಗ್ರಹಿಸಿದ್ದಾರೆ.
