ಒಂಟಿ ಮಹಿಳೆಯರನ್ನು ಗುರಿಯಾಗಿಸಿಕೊಂಡು ಅವರ ಚಲನವಲನಗಳ ಮೇಲೆ ನಿಗಾ ಇಡುತ್ತಿದ್ದ ಆರೋಪಿ ನಂತರ ತನ್ನ ಪಲ್ಸರ್ ಬೈಕಿನಲ್ಲಿ ಸರ ಕಿತ್ತುಕೊಂಡು ಪರಾರಿಯಾಗುತ್ತಿದ್ದ. ಈತ ಶ್ರವಣಬೆಳಗೊಳದಲ್ಲಿ 1 ಪ್ರಕರಣ, ಹಿರೀಸಾವೆ-2, ನುಗ್ಗೇಹಳ್ಳಿ -1, ಚನ್ನರಾಯಪಟ್ಟಣ ಗ್ರಾಮಾಂತರದಲ್ಲಿ 1, ಹೊಳೆನರಸೀಪುರ, ಹಾಸನ ಬಡಾವಣೆ, ಮಂಡ್ಯ ತಾಲ್ಲೂಕಿನ ಕಿಕ್ಕೇರಿಯ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಒಂದೊಂದು ಸರಗಳ್ಳತನ ಮಾಡಿರುವ ಬಗ್ಗೆ ಒಪ್ಪಿಕೊಂಡಿದ್ದಾನೆ. ಇದೇ ಮೊದಲ ಬಾರಿಗೆ ಈತನನ್ನು ಬಂಧಿಸಲಾಗಿದೆ. ಈ ಹಿಂದೆ ಯಾವುದೇ ಪ್ರಕರಣದಲ್ಲಿ ಬಂಧಿಯಾಗಿಲ್ಲ. ಹಲವು ಪ್ರಕರಣಗಳಲ್ಲಿ ಸಿಸಿ ಕ್ಯಾಮೆರಾ ಮತ್ತು ಈತನ ಚಪ್ಪಲಿ ಗುರುತಿನ ಆಧಾರ ಮೇಲೆ ಪೊಲೀಸರು ಗಸ್ತಿನಲ್ಲಿದ್ದ ಸಂದರ್ಭದಲ್ಲಿ ಈತನನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ ಎಂದರು.
