ಕ್ಷೇತ್ರಕ್ಕೆ ಮೂಲಸೌಕರ್ಯ ಒದಗಿಸಲು ನಿರಂತರ ಶ್ರಮ

ಸವದತ್ತಿ: ೇತ್ರದ ಪ್ರತಿ ಗ್ರಾಮವೂ ಅಭಿವದ್ಧಿ ಹೊಂದಿ ಮೂಲಸಮಸ್ಯೆಗಳು ನಿವಾರಣೆಯಾಗಲು ಶ್ರಮಿಸುತ್ತಿದ್ದೇನೆ ಎಂದು ಶಾಸಕ ವಿಶ್ವಾಸ ವೆದ್ಯ ಹೇಳಿದರು.

ಗ್ರಾಮದ ವಿವಿಧ ವಾರ್ಡ್​ಗಳಲ್ಲಿ ಅಲ್ಪಸಂಖ್ಯಾತರ ಅಭಿವೃದ್ಧಿ ಇಲಾಖೆಯಿಂದ ಕಾಂಕ್ರೀಟ್​ ರಸ್ತೆ ನಿರ್ಮಾಣ ಕಾಮಗಾರಿಗೆ ಶನಿವಾರ ಭೂಮಿಪೂಜೆ ನೆರವೇರಿಸಿ ಮಾತನಾಡಿದರು. ಪ್ರತಿಯೊಂದು ಕೆಲಸವನ್ನು ಗ್ರಾಮಸ್ಥರು ಗುತ್ತಿಗೆದಾರರಿಂದ ಅಚ್ಚುಕಟ್ಟಾಗಿ ಮಾಡಿಸಿಕೊಳ್ಳಬೇಕು. ಗ್ರಾಮಸ್ಥರ ಸಹಕಾರ ಬಹಳ ಮುಖ್ಯ ಎಂದರು.

ಜಿಪಂ ಮಾಜಿ ಸದಸ್ಯ ಕೀರಪ್ಪ ಹದ್ದನ್ನವರ ಮಾತನಾಡಿ, ಗುತ್ತಿಗೆದಾರರು ಗುಣಮಟ್ಟದ ಕಾಂಕ್ರೀಟ್​ ರಸ್ತೆ ನಿರ್ಮಾಣ ಮಾಡಬೇಕು ಎಂದರು.
ಗ್ರಾಮಸ್ಥರಿಂದ ಶಾಸಕ ವಿಶ್ವಾಸ ವೆದ್ಯ ಅವರನ್ನು ಸನ್ಮಾನಿಸಲಾಯಿತು. ಯುವ ಧುರೀಣ ಸುಭಾನಿ ಕುದರಿ, ಪಿಡಿಒ ಎಚ್​.ಕೆ.ಚೌರಡ್ಡಿ, ಗ್ರಾಪಂ ಸದಸ್ಯ ಶಶಿಧರ ತಳವಾರ, ಗಂಗವ್ವ ವನ್ನೂರ, ಬಸನಾಯ್ಕ ಚಿಕಾಕಿ, ಬಸವರಾಜ ಪೂಜೇರ, ನೀಲಕಂಠ ಶಿವಪೂಜಿ, ವಿಠ್ಠಲ ಉಪ್ಪಾರ, ಮಹಾಂತೇಶ ಉಪ್ಪಿನ, ಮಲ್ಲಾರಾವ ಬೋಸಲೆ, ಬಸಪ್ಪ ರೊಕ್ಕದಕಟ್ಟಿ, ರಮೇಶ ಚಿಕಾಕಿ, ಪ್ರಕಾಶ ಮುರಗೋಡ, ಪಡೆಪ್ಪ ನರಿ, ಮಹಮ್ಮದ ಕುದರಿ ಇತರರು ಇದ್ದರು.