ಕ್ಷಯಮುಕ್ತ ದೇಶ ಮಾಡಲು ಪಣತೊಡಿ; ರವೀಂದ್ರ ಕಮ್ಮಾರ

ಅಳವಂಡಿ: ಕ್ಷಯ ನಿರ್ಮೂಲನೆಗಾಗಿ ಜನಪ್ರತಿನಿಧಿಗಳು, ವಿದ್ಯಾರ್ಥಿಗಳು, ಗ್ರಾಮಸ್ಥರು ಶ್ರಮಿಸಬೇಕಾಗಿದೆ ಎಂದು ಹಿರಿಯ ಆರೋಗ್ಯ ನಿರೀಕ್ಷಣಾಧಿಕಾರಿ ರವೀಂದ್ರ ಕಮ್ಮಾರ ಹೇಳಿದರು.

ಮೈನಳ್ಳಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯಿತಿ, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ಜಿಲ್ಲಾ ಕ್ಷಯರೋಗ ನಿರ್ಮೂಲನಾ ಕೇಂದ್ರ, ಪ್ರಾಥಮಿಕ ಆರೋಗ್ಯ ಕೇಂದ್ರ ಅಳವಂಡಿ ಜಂಟಿಯಾಗಿ ಶನಿವಾರ ಹಮ್ಮಿಕೊಂಡಿದ್ದ ಸಕ್ರಿಯ ಕ್ಷಯರೋಗ ಪತ್ತೆ ಆಂದೋಲನಾ ಜಾಗೃತಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ದೇಶವನ್ನು 2025ರ ಒಳಗೆ ಕ್ಷಯಮುಕ್ತ ಮಾಡುವ ಗುರಿ ಹೊಂದಲಾಗಿದೆ. ಸರ್ಕಾರ ಈಗಾಗಲೇ ರೋಗಕ್ಕೆ ಉಚಿತ ಚಿಕಿತ್ಸೆಯನ್ನು ನೀಡುತ್ತಿದೆ. ಕ್ಷಯಮುಕ್ತ ಕರ್ನಾಟಕ ಮಾಡಲು ಜಾಗೃತಿ ಮೂಡಿಸಿ ಎಂದರು.

ಮುಖ್ಯ ಶಿಕ್ಷಕ ಶಂಭುಲಿಂಗನಗೌಡ ಪಾಟೀಲ, ಆರೋಗ್ಯ ಇಲಾಖೆಯ ದಿಲ್‌ಖುಷಬೂ, ಬಸವರಾಜ ಗಾಳಿ, ಹಾಗೂ ಸಾವಿತ್ರಿ, ಲಲಿತಮ್ಮ, ಮರಿಯಮ್ಮ ಶಿಕ್ಷಕರಾದ ಕುಮಾರ, ಬಸವರಾಜ, ನಾಗರಾಜ, ಉಮಾಬಾಯಿ, ರೇಣುಕಾ, ಕವಿತಾ ಇತರರಿದ್ದರು.