ಕ್ರೈಸ್ತ ಅಭಿವೃದ್ಧಿ ನಿಗಮ ಸ್ಥಾಪಿಸಿ

ಬೀದರ್: ತಡೆಹಿಡಿದ ಕ್ರೈಸ್ತ ಅಭಿವೃದ್ಧಿ ನಿಗಮ ಸ್ಥಾಪನೆ ಮಾಡಿ ಹೆಚ್ಚಿನ ಅನುದಾನ ಒದಗಿಸುವಂತೆ ಒತ್ತಾಯಿಸಿ ಕರ್ನಾಟಕ ಕ್ರಿಶ್ಚಿಯನ್ ಹಕ್ಕುಗಳ ಸಮಿತಿಯಿಂದ ನಗರದಲ್ಲಿ ಸೋಮವಾರ ಪ್ರತಿಭಟನೆ ನಡೆಸಲಾಯಿತು.

ಇಲ್ಲಿನ ಅಂಬೇಡ್ಕರ್ ವೃತ್ತದಿಂದ ಜಿಲ್ಲಾಧಿಕಾರಿ ಕಚೇರಿಯವರೆಗೆ ರ್ಯಾಲಿ ನಡೆಸಿ, ಮರಾಠಾ ಮತ್ತು ವೀರಶೈವ ಲಿಂಗಾಯತ ಅಭಿವೃದ್ಧಿ ನಿಗಮ ಸ್ಥಾಪಿಸಲಾಗಿದೆ. ಆದರೆ ಹಿಂದಿನ ಸಮ್ಮಿಶ್ರ ಸರ್ಕಾರದಲ್ಲಿ ರಚನೆಗೊಂಡಿದ್ದ ಕೈಸ್ತ ಅಭಿವೃದ್ಧಿ ನಿಗಮಕ್ಕೆ ಕಾರ್ಯರೂಪಕ್ಕೆ ತರದೇ ತಡೆ ಹಿಡಿದಿರುವುದು ಸರಿಯಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಲಾಯಿತು.

ಸುದೀರ್ಘ ಬೇಡಿಕೆ, ನಿರಂತರ ಹೋರಾಟದಿಂದಾಗಿ ಹಿಂದಿನ ಸಮ್ಮಿಶ್ರ ಸರ್ಕಾರವು ಬಜೆಟ್ ನಲ್ಲಿ ಕ್ರೈಸ್ತ ಅಭಿವೃದ್ಧಿ ನಿಗಮ ಘೋಷಣೆ ಮಾಡಿ, 200 ಕೋಟಿ ರೂ. ಮೀಸಲಿಟ್ಟಿತ್ತು. ಆದರೆ ಸರ್ಕಾರ ಬದಲಾದ ನಂತರ ನಿಗಮವನ್ನು ತಡೆಹಿಡಿದು ಸಮುದಾಯಕ್ಕೆ ಅನ್ಯಾಯ ಮಾಡಲಾಗಿದೆ ಎಂದು ಕಿಡಿಕಾರಿದರು.

ಬೇಡಿಕೆ ಸಂಬಂಧ ಮುಖ್ಯಮಂತ್ರಿಗೆ ಬರೆದ ಮನವಿ ಪತ್ರವನ್ನು ಜಿಲ್ಲಾಡಳಿತಕ್ಕೆ ಸಲ್ಲಿಸಲಾಯಿತು. ಸಮಿತಿ ಅಧ್ಯಕ್ಷ ಅನೀಲ ಜಾಧವ್, ಪ್ರಮುಖರಾದ ಸಂಜಯ್ ಜಾಗಿರ್ದಾರ, ಜಾನ್ ವೆಸ್ಲಿ, ಕುಮಾರ ಕೊಡ್ಡಿಕರ್, ಅಮರ ಭಾಂಗೆ, ಅನೀಲ ನಿಡೋದ, ಜಗನ್ನಾಥ ಕೌಠಾ, ಸುನೀತಾ ಆನಂದ, ಜಾಜ್೯ ನೇಳಗೆ, ವಸಂತ ಚಿದ್ರಿ, ಮಂಜುಳಾ, ಶಾಮರಾವ ಬಂಬುಳಗಿ, ಶಾಲಿನಿ, ವಸಂತ ಚಿದ್ರಿ, ಜಾನ್ ವರ್ಮಾ, ಜಾಜ್೯ ಫರ್ನಾಂಡಿಸ್, ರಾಜೇಶ ಜ್ಯೋತಿ ಇತರರಿದ್ದರು.