ಗೋಕಾಕ: ಕ್ರೀಡೆಗಳಲ್ಲಿ ಪಾಲ್ಗೊಳ್ಳುವುದರಿಂದ ಆರೋಗ್ಯ ವೃದ್ಧಿಸಿ ಪರಸ್ಪರರಲ್ಲಿ ಪ್ರೀತಿ ವಿಶ್ವಾಸ ಮೂಡುತ್ತದೆ ಎಂದು ಕೆಎಲ್ಇ ನಿರ್ದೇಶಕ ಜಯಾನಂದ ಮುನವಳ್ಳಿ ಹೇಳಿದರು.
ನಗರದ ಕೆಎಲ್ಇ ಶಾಲೆಯಲ್ಲಿ ಶಿಕರ ದಿನಾಚರಣೆ ನಿಮಿತ್ತ ಸ್ಥಳಿಯ ಕೆಎಲ್ಇ ಅಂಗ ಸಂಸ್ಥೆಗಳ ಸಂಯುಕ್ತ ಆಶ್ರಯದಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ಕೆಎಲ್ಇ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾವಳಿಗೆ ಚಾಲನೆ ನೀಡಿ ಮಾತನಾಡಿದರು. ಕ್ರೀಡೆಗಳಲ್ಲಿ ಸೋಲು ಗೆಲುವಿಗೆ ಮಹತ್ವ ನೀಡದೆ ಪ್ರತಿಭೆ ಪ್ರದರ್ಶಿಸಬೇಕು. ಕ್ರೀಡಾಕೂಟಗಳ ಆಯೋಜನೆಯಿಂದ ಎಲ್ಲರಲ್ಲೂ ಪಾಲ್ಗೊಳ್ಳುವ ಉತ್ಸಾಹ ಮೂಡುತ್ತದೆ. ಇದು ಪ್ರತಿಭೆ ಪ್ರದರ್ಶಿಸಲು ಸೂಕ್ತ ವೇದಿಕೆ ಎಂದರು. ಸ್ಥಳಿಯ ಕೆಎಲ್ಇ ಸಂಸ್ಥೆಗಳ ಮುಖ್ಯಸ್ಥರಾದ ಎಂ.ಡಿ. ಚುನಮರಿ, ಓಂಪ್ರಕಾಶ ಅಂಗಡಿ, ರೂಪಾ ಮುನವಳ್ಳಿ, ಡಾ.ಧರೆಪ್ಪ ಚೌಗಲಾ, ಜಿ.ಎಂ. ಅಂದಾನಿ, ಕೆ.ಬಿ. ಮೇವುಂಡಿಮಠ, ಡಾ.ಈರಣ್ಣ ಕಾಜಗಾರ, ಅಮೃತ ಜಕ್ಕಲಿ, ಮಂಜುನಾಥ ಕಂಬಾರ, ಪ್ರಶಾಂತ ಕಿವಟಿ, ಜಿ.ಎಂ. ಬಿರಾದಾರ, ನಂದಾ ಚುನಮರಿ, ಮನಿಷಾ ಮಾಂಗಳೇಕರ ಇದ್ದರು.
