ನಾಗೇಶ್ ಕಾರ್ಯ ಮೈಸೂರು
ಕೃಷಿ, ಉದ್ಯೋಗ, ಹಣಕಾಸು ಹೂಡಿಕೆಗೆ ಸಂಬಂಧಿಸಿದಂತೆ ಜನರಿಗೆ ಫ್ರೀಡಂ ಆ್ಯಪ್ ಸೂಕ್ತ ಮಾರ್ಗದರ್ಶನ ನೀಡಲಿದೆ.
ಇದೊಂದು ಜೀವನೋಪಾಯ ಶಿಕ್ಷಣ ವೇದಿಕೆಯಾಗಿದ್ದು, ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳುವ ಮೂಲಕ ಸಲಹೆಗಳನ್ನು ಪಡೆದುಕೊಳ್ಳಬಹುದು. ಕೃಷಿ, ಉದ್ಯೋಗ ಹಾಗೂ ವೈಯಕ್ತಿಕ ಹಣಕಾಸಿಗೆ ಸಂಬಂಧಿಸಿದಂತೆ ಪರಿಣಿತ ತಜ್ಞರು ಸಲಹೆ ನೀಡಲಿದ್ದಾರೆ. ಬಹುಮುಖ್ಯವಾಗಿ ಕೃಷಿ ಕ್ಷೇತ್ರ ಲಾಭದಾಯಕವಲ್ಲ ಎಂದು ಬಹುತೇಕರು ತಪ್ಪಾಗಿ ಅರ್ಥೈಸಿಕೊಂಡಿದ್ದಾರೆ. ಇದರಲ್ಲಿ ಲಾಭಕ್ಕಿಂತ ನಷ್ಟವೇ ಅಧಿಕ ಎಂದು ಜನರು ತಿಳಿದುಕೊಂಡಿರುವ ಪರಿಣಾಮ ಬೇಸಾಯದಿಂದ ವಿಮುಖವಾಗುತ್ತಿದ್ದಾರೆ. ಆದರೆ ಫ್ರೀಡಂ ಆ್ಯಪ್ನಲ್ಲಿ ಕೃಷಿ ಕ್ಷೇತ್ರದಲ್ಲಿ ಅಧಿಕ ಲಾಭ ಗಳಿಸುವ ಸಾಧ್ಯತೆ ಇದೆ ಎಂದು ತಜ್ಞರ ಅಭಿಪ್ರಾಯದ ಮೂಲಕ ಸಮಗ್ರವಾಗಿ ತಿಳಿಸಿಕೊಡಲಾಗುತ್ತದೆ.
ಕೃಷಿ, ಉದ್ಯೋಗ ಹಾಗೂ ವೈಯಕ್ತಿಕ ಹಣಕಾಸು ಈ ಮೂರು ವಿಭಾಗದಲ್ಲಿ 37 ಜೀವನೋಪಾಯ ಗುರಿಗಳನ್ನು ಹೊಂದಲಾಗಿದೆ. ಈ 37 ಗುರಿಗಳಲ್ಲಿ ಸುಮಾರು 1015ಕ್ಕೂ ಹೆಚ್ಚು ಕೋರ್ಸ್ಗಳಿವೆ. ಹೀಗಾಗಿ ಯಾರಿಗೆ ಯಾವ ಕ್ಷೇತ್ರದಲ್ಲಿ ಆಸಕ್ತಿ ಹಾಗೂ ಅವಕಾಶ ಇದೆ ಎಂಬುದು ಅರಿತುಕೊಂಡು ಯಶಸ್ವಿ ಉದ್ಯೋಗ ಕೈಗೊಳ್ಳಬಹುದಾಗಿದೆ.
ಹೈನುಗಾರಿಕೆಯಲ್ಲಿ 17 ಕೋರ್ಸ್ಗಳು, ಹಣ್ಣು ಕೃಷಿ-60 ಕೋರ್ಸ್, ಕೃಷಿ ಕ್ಷೇತ್ರವನ್ನು ಪ್ರೋತ್ಸಾಹಿಸಲು ಸರ್ಕಾರ ರೂಪಿಸಿರುವ ಯೋಜನೆಗಳ ಕುರಿತು 6 ಕೋರ್ಸ್ಗಳು, ಮೀನು, ಕೋಳಿ, ಕುರಿ ಸಾಕಣೆ ಕುರಿತು ಕೋರ್ಸ್ಗಳು, ರೈತರಿಗೆ ಲಾಭದಾಯಕವಾದ ಸಮಗ್ರ ಕೃಷಿಯ ಬಗ್ಗೆ 72 ಕೋರ್ಸ್ಗಳು, ಜೇನು ಕೃಷಿ, ತೋಟಗಾರಿಕೆ ಬೆಳೆಗಳು ಸೇರಿದಂತೆ ಹಲವು ಲಾಭದಾಯಕ ಗುರಿಗಳ ಕುರಿತು ಸಂಪೂರ್ಣವಾದ ಮಾಹಿತಿಯನ್ನು ಫ್ರೀಡಂ ಆ್ಯಪ್ ಒಳಗೊಂಡಿದೆ.
