ಗಂಟಲ ದ್ರವ ಸಂಗ್ರಹ ಕುಸಿತ ಕರೊನಾ ಸೋಂಕು ಆಗಷ್ಟೇ ಜಿಲ್ಲೆಗೆ ಕಾಲಿಟ್ಟಾಗ ಹುಬ್ಬಳ್ಳಿ ಕಿಮ್್ಸ ಒಂದರಲ್ಲೇ ನಿತ್ಯ 300 ಜನರ ಗಂಟಲ ದ್ರವ ಸಂಗ್ರಹ ಮಾಡಲಾಗುತ್ತಿತ್ತು. ಈಗ ಅದರ ಪ್ರಮಾಣ 30-40ಕ್ಕೆ ಇಳಿದಿದೆ. ಹುಬ್ಬಳ್ಳಿ ಚಿಟಗುಪ್ಪಿ, ಧಾರವಾಡದ ಎಸ್ಡಿಎಂ ಸೇರಿ ಅನೇಕ ಆಸ್ಪತ್ರೆಗಳಲ್ಲಿ ಗಂಟಲ ದ್ರವ ಸಂಗ್ರಹ ಸ್ಥಗಿತಗೊಂಡಿದೆ. ಪರೀಕ್ಷೆಗಳೇ ಇಲ್ಲವಾದರೆ ಸೋಂಕು ಪತ್ತೆ ಹಚ್ಚುವುದು ಯಾವಾಗ? ಕರೊನಾ ಹರಡಿರುವ, ಹರಡಬಹುದಾದ ಪ್ರದೇಶಗಳನ್ನು ಆಧರಿಸಿ ಸರ್ಕಾರ ಗಟ್ಟಿ ತೀರ್ಮಾನ ಕೈಗೊಳ್ಳಬೇಕಾದ ತುರ್ತು ಅಗತ್ಯವಿದೆ. ಇಲ್ಲವಾದರೆ ಸೋಂಕಿತ ಒಬ್ಬ ವ್ಯಕ್ತಿ ಸಕಾಲದಲ್ಲಿ ಪತ್ತೆಯಾಗದಿದ್ದರೂ ಧಾರವಾಡ ಜಿಲ್ಲೆಯಲ್ಲಿ ಮುಂಬೈ, ದೆಹಲಿಯಂಥ ಸಂಕಟಮಯ ಪರಿಸ್ಥಿತಿ ಎದುರಾಗುವ ಅಪಾಯವಿದೆ.
