ವದೇಗೋಳ ಗ್ರಾಮವು ಪಟ್ಟಣದಿಂದ ಕೇವಲ 300 ಮೀಟರ್ ದೂರದಲ್ಲಿದೆ. ವದೇಗೋಳ ಕೆರೆ 100 ಮೀ, ಜಿಗೇರಿ ಕೆರೆ 300 ಮೀ, ಕುಂಟೋಜಿ 1 ಕಿ.ಮೀ, ಕೃಷ್ಣಾಪೂರ 1 ಕಿ.ಮೀ, ಮ್ಯಾಕಲಝುರಿ ಹಾಗೂ ಐತಿಹಾಸಿಕ ಹಿನ್ನೆಲೆಯುಳ್ಳ ಕಾಲಕಾಲೇಶ್ವರ 2 ಕಿ.ಮೀ ಅಂತರದಲ್ಲಿವೆ. ಹೀಗಿದ್ದರೂ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯು ಸರ್ಕಾರಿ ಜಾಗದ 5 ಎಕರೆಯಲ್ಲಿ ಎಲ್ಲ ಕಾನೂನುಗಳನ್ನು ಗಾಳಿಗೆ ತೂರಿ ರೋಣದ ಮಾಜಿ ಶಾಸಕರೊಬ್ಬರ ಮಗನಿಗೆ ಕಲ್ಲು ಗಣಿಗಾರಿಕೆಗೆ ಅನುಮತಿ ನೀಡಲಾಗಿದೆ. ಆದರೆ, ಜಿಲೆಟಿನ್ ಸ್ಪೋಟದಿಂದ ಕೆರೆಯಲ್ಲಿನ ಜಲಚರ ಪ್ರಾಣಿ, ವನ್ಯಜೀವಿ ಪ್ರಾಣಿಗಳಿಗೆ ತೊಂದರೆಯಾಗಿದೆ. ಸುತ್ತಲಿನ ಮನೆಗಳು ಬಿರುಕು ಬಿಟ್ಟು, ಜನಜೀವನ ಅಸ್ತವ್ಯಸ್ತವಾಗಿದೆ ಎನ್ನುವುದು ಸ್ಥಳೀಯರ ಆರೋಪವಾಗಿದೆ.
