ಸಭೆಗೆ ಶಾಸಕ ಎ.ಆರ್.ಕೃಷ್ಣಮೂರ್ತಿ ಸಂಹಿತೆ ಬೋಧಿಸಿದರು. ಜಿಲ್ಲಾ ಪರಿಶಿಷ್ಟ ವರ್ಗಗಳ ಕಲ್ಯಾಣಾಧಿಕಾರಿ ಬಿಂದ್ಯಾ ಚೂಡಿದಾರ್ ಹಾಕಿಕೊಂಡು ಸಭೆಗೆ ಬಂದಿದ್ದರು. ಶಾಸಕ ಎ.ಆರ್.ಕೃಷ್ಣಮೂರ್ತಿ ಮಾತನಾಡಿ, ನೀವೆಲ್ಲ ನಮ್ಮ ಅಕ್ಕ-ತಂಗಿ, ಅಣ್ಣ-ತಮ್ಮನ ಹಾಗೆ. ಮಹಿಳಾ ಅಧಿಕಾರಿಗಳು ಸೀರೆ ಧರಿಸಿಕೊಂಡು ಬನ್ನಿ. ಪುರುಷ ಅಧಿಕಾರಿಗಳು ಜೀನ್ಸ್ ಪ್ಯಾಂಟ್, ಟೀ ಶರ್ಟ್ ಧರಿಸಿ ಎಂದು ಸಲಹೆ ನೀಡಿದರು. ಬಳಿಕ ಆಶ್ರಮ ಶಾಲೆಗಳ ಕುರಿತು ಸಚಿವರು ಮಾಹಿತಿ ಪಡೆದುಕೊಂಡರು. ಶಾಸಕ ಸಿ.ಪುಟ್ಟರಂಗಶೆಟ್ಟಿ ಮಾತನಾಡಿ, ಆಶ್ರಮ ಶಾಲೆಗಳಲ್ಲಿ ಸಂಜೆ ಮೇಲೆ ಮಕ್ಕಳೇ ಇರುವುದಿಲ್ಲ. ಶಿಕ್ಷಕರೂ ಶಾಲೆಗೆ ಬಾಗಿಲು ಹಾಕಿಕೊಂಡು ಹೋಗುತ್ತಾರೆ. ಈ ಕುರಿತು ಪರಿಶೀಲನೆ ನಡೆಸಿ ಎಂದು ಸೂಚನೆ ನೀಡಿದರು. ಸೋಲಿಗರಿಗೆ ಮನೆಗಳಿಲ್ಲ ಎಂಬ ಬಗ್ಗೆ ಬಿಂದ್ಯಾ ಮಾಹಿತಿ ನೀಡಿ ಜಿಲ್ಲೆಯಲ್ಲಿ 2995 ಮನೆಗಳು ಬೇಕು. 243 ಕುಟುಂಬಗಳಿಗೆ ಜಾಗವೇ ಇಲ್ಲ ಎಂದು ವಿವರಿಸಿದರು.
