ಕೂಲಿ ಕೆಲಸಕ್ಕೂ ಸೈ ಎಂದ ಟೆಕ್ಕಿ!

ಪ್ರತಿದಿನ ಮಧ್ಯಾಹ್ನದಿಂದ ರಾತ್ರಿಯವರೆಗೂ ವರ್ಕ್ ಫ್ರಂ ಹೋಂ ಮಾಡುತ್ತಿದ್ದೇನೆ. ಅದಕ್ಕೆ ಕಂಪನಿ ಸಂಬಳ ಕೊಡುತ್ತಿದೆ. ಇದರ ಜೊತೆಗೆ ಬೆಳಗ್ಗೆ 7ರಿಂದ 11.30 ರವರೆಗೆ ನರೇಗಾ ಕಾಮಗಾರಿಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದೇನೆ. ಇದರಿಂದ ಗ್ರಾಮದ ಅಭಿವೃದ್ಧಿ ಕೆಲಸದಲ್ಲಿ ಪಾಲ್ಗೊಂಡ ತೃಪ್ತಿ ನನಗಿದೆ. | ಜಯಂತ ಪಾಟೀಲ, ಸಾಫ್ಟ್​ವೇರ್ ಇಂಜಿನಿಯರ್

ಮಾಡಳ್ಳಿ ಗ್ರಾಪಂ ವ್ಯಾಪ್ತಿಯಲ್ಲಿ ಕಳೆದ 15 ದಿನಗಳಿಂದ ನರೇಗಾ ಯೋಜನೆಯಡಿ ನಡೆಯುತ್ತಿರುವ ಹಳ್ಳದ ಹೂಳೆತ್ತುವ ಕಾಮಗಾರಿಯಿಂದ ನನ್ನಂಥ ಹತ್ತಾರು ಅಂಗವಿಕಲರ ಬದುಕಿಗೆ ಸಾಕಷ್ಟು ಸಹಾಯವಾಗಿದೆ. ಯಾವುದೇ ದೈಹಿಕ ಶ್ರಮದ ಕೆಲಸ ನಿರ್ವಹಿಸಲಾಗದ ಗ್ರಾಪಂ ಮಾಡಳ್ಳಿ ಮತ್ತು ಯತ್ನಳ್ಳಿ ಗ್ರಾಮದ ಎಂಟ್ಹತ್ತು ಅಂಗವಿಕಲರಿಗೆ ನರೇಗಾ ಕೆಲಸದಲ್ಲಿ ಸಹಾಯಕರಾಗಿ (ಮೇಟ್) ಸೇವೆ ಮಾಡಲು ಅವಕಾಶ ಸಿಕ್ಕಿದೆ. ಎಲ್ಲರಂತೆ ನಮಗೂ 285 ರೂಪಾಯಿ ಪಗಾರ ಕೊಡುತ್ತಿರುವುದು ಸಾಕಷ್ಟು ಅನುಕೂಲವಾಗಿದೆ.| ಡಿ.ವಿ. ದ್ಯಾವನಗೌಡ್ರ ಪದವೀಧರ ಅಂಗವಿಕಲ, ಯತ್ನಳ್ಳಿ

ಮಾಢಳ್ಳಿ ಗ್ರಾಪಂ ವ್ಯಾಪ್ತಿಯಲ್ಲಿ ಅಂದಾಜು 32 ಲಕ್ಷ ರೂ. ಅನುದಾನದಲ್ಲಿ ಕೈಗೊಂಡಿರುವ ಹಳ್ಳದ ಹೂಳೆತ್ತುವ ಕಾರ್ಯ ಯಶಸ್ವಿಯಾಗಿ ನಡೆದಿದೆ. ಈ ಕಾಮಗಾರಿಯಲ್ಲಿ ಪದವೀಧರ ಯುವಕರು, ಖಾಸಗಿ ಕಂಪನಿ ನೌಕರರು, ಅಂಗವಿಕಲರು, ವಯೋವೃದ್ಧರು ಹಾಗೂ ಕೂಲಿ ಕಾರ್ವಿುಕರು ಸೇರಿ ನಿತ್ಯ 250ಕ್ಕೂ ಹೆಚ್ಚು ಜನರಿಗೆ ಕೆಲಸ ನೀಡಲಾಗಿದೆ. | ಎಸ್.ಕೆ. ವಾಲಿ, ನರೇಗಾ ಯೋಜನೆ ಸಹಾಯಕ ನಿರ್ದೇಶಕ