ಕುಷ್ಠ ರೋಗದ ಬಗ್ಗೆ ಬೇಡ ಭಯ

ಚಿತ್ರದುರ್ಗ: ಕುಷ್ಠ ರೋಗದ ಬಗ್ಗೆ ಭಯ ಬೇಡ, ರೋಗದ ತಪಾಸಣೆಗೆ, ಮತ್ತು ಚಿಕಿತ್ಸೆಗೆ ಸಾರ್ವಜನಿಕರು ಸಹಕರಿಸಬೇಕೆಂದು ಚಿತ್ರದುರ್ಗ ತಾಲೂಕಿನ ಆರೋಗ್ಯ ಶಿಕ್ಷಣಾಧಿಕಾರಿ ಎನ್.ಎಸ್.ಮಂಜುನಾಥ್ ಹೇಳಿದರು.

ನಗರದಲ್ಲಿ ಸೋಮವಾರ ಕುಷ್ಠರೋಗ ಪ್ರಕರಣ ಪತ್ತೆ ಆಂದೋಲನ ಅಂಗವಾಗಿ ವಿವಿಧೆಡೆ ನಡೆದ ಗುಂಪು ಸಭೆಗಳಲ್ಲಿ ಮಾತನಾಡಿ, ಕುಷ್ಠ ರೋಗವನ್ನು ಸಂಪೂರ್ಣವಾಗಿ ಗುಣಪಡಿಸಬಹುದಾಗಿದೆ ಎಂದರು.

ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿ ಬಿ.ಜಾನಕಿ ಮಾತನಾಡಿದರು. ಆರೋಗ್ಯ ಸುರಕ್ಷತಾ ಅಧಿಕಾರಿ ಗೀತಮ್ಮ, ಆಶಾ ಕಾರ್ಯಕರ್ತೆ ಅನುರಾಧಾ ಮತ್ತಿತರರು ಇದ್ದರು.