ಈ ವೇಳೆ ಶಾಶ್ವತ ನೀರಾವರಿ ಹೋರಾಟ ಸಮಿತಿ ಅಧ್ಯಕ್ಷ ಮಹಾರಾಷ್ಟ್ರ ಶಿವಣ್ಣ ಮಾತನಾಡಿ, ತಾಲೂಕಿಗೆ 3.03 ಟಿಎಂಸಿ ಹೇಮಾವತಿ ನೂರು ನಿಗದಿಯಾಗಿದೆ. ಹೊಸದಾಗಿ ಲಿಂಕ್ ಕೆನಾಲ್ ಯೋಜನೆ ಪ್ರಾರಂಭವಾಗಿದೆ. ನಿಗದಿಯಾಗಿರುವ ನೀರು ತಾಲೂಕಿನ ಎಲ್ಲ ಹೋಬಳಿಗಳಿಗೂ ಹಂಚಿಕೆ ಮಾಡಬೇಕು. ಕಸಬಾ ಹೋಬಳಿಗೆ ನೀರಾವರಿ ವಿಚಾರದಲ್ಲಿ ಅನ್ಯಾಯವಾಗಿದೆ. ಇದನ್ನು ಸರಿಪಡಿಸಲು ಅಗತ್ಯ ಕ್ರಮಕೈಗೊಂಡು ಕಸಬಾ ಹೋಬಳಿ ಚೆನ್ನಾಪುರ ಕೆರೆ, ಬೈರನಾಯಕನಹಳ್ಳಿ ಕರೆ, ಕಿನ್ನಾಮಂಗಲ ಕೆರೆ, ಹಿತ್ತಲಹಳ್ಳಿ ಕೆರೆ, ಕಾಡಮತ್ತಿಕೆರೆ ಕೆರೆ, ಅರೇಪಾಳ್ಯ ಕೆರೆ, ಸಂತೇಮಾವತ್ತೂರು ಕೆರೆ, ಕದರಾಪುರ ಕೆರೆ, ಸೇರಿ ಚಿಕ್ಕಕೆರೆಗೂ ನೀರು ಹರಿಸಬೇಕೆಂದು ಆಗ್ರಹಿಸಿದರು. ಕಸಬಾ ಹೋಬಳಿ ಯಾವುದೇ ನೀರಾವರಿ ಸೌಲಭ್ಯವಿಲ್ಲದೇ ಮಳೆ ಆಶ್ರಿತ ಪ್ರದೇಶವಾಗಿದೆ. ನೀರಾವರಿ ಯೋಜನೆ ರೂಪಿಸಲು ಸರ್ಕಾರ ಕೂಡಲೇ ಅಗತ್ಯ ಕ್ರಮವಹಿಸಬೇಕು.
