‘ಕುಂಭ ಸಂಭವ’ ಸಿನಿಮಾ ಶೀಘ್ರ ಬಿಡುಗಡೆ

ಮೈಸೂರು: ಮಿಲ್ಕಿ ಮೂನ್ ಮೂವೀಸ್ ಅಡಿಯಲ್ಲಿ ನಿರ್ಮಿಸಿರುವ ‘ಕುಂಭ ಸಂಭವ’ ಚಲನಚಿತ್ರ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ ಎಂದು ನಿರ್ದೇಶಕ ನಾಗೇಶ್ ತಿಳಿಸಿದರು.

ಚಿತ್ರಕಥೆ ಸಮಾಜವನ್ನು ಕಾಡುತ್ತಿರುವ ಹೆಣ್ಣು ಭ್ರೂಣ ಹತ್ಯೆ ವಿಷಯ ಹೊಂದಿದೆ. ಇದರ ಚಿತ್ರೀಕರಣ ಪೂರ್ಣಗೊಂಡಿದೆ ಎಂದು  ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

2023-24ರಲ್ಲಿ ಮಂಡ್ಯದಲ್ಲಿ ಬೆಳಕಿಗೆ ಬಂದ ಭ್ರೂಣಹತ್ಯೆ ಕರ್ಮಕಾಂಡವನ್ನು ಕಥೆ ಆಧರಿಸಿದೆ. ಹಿರಿಯ ಕಲಾವಿದರಾದ ಶಂಕರ್ ಅಶ್ವತ್ಥ್, ಶಿವಾಜಿರಾವ್ ಜಾಧವ್ ಮೊದಲಾದವರು ನಟಿಸಿದ್ದಾರೆ.

ಆ ಘಟನೆ ಬೆಳಕಿಗೆ ಬಂದಾಗ ರಾಜಕಾರಣಿಗಳು ಸಮಾಜವನ್ನು ದಿಕ್ಕು ತಪ್ಪಿಸಿದುದು, ಪೊಲೀಸರು ನಿರ್ವಹಿಸಿದ ಪಾತ್ರದ ಕುರಿತು ಚಿತ್ರದಲ್ಲಿದೆ. ಎರಡು ಹಾಡು, ನಾಲ್ಕು ಹೊಡೆದಾಟದ ದೃಶ್ಯಗಳಿವೆ ಎಂದು ತಿಳಿಸಿದರು.

ಕಲಾವಿದರಾದ ಶಂಕರ್ ಅಶ್ವತ್ಥ್, ಶಿವಾಜಿರಾವ್ ಜಾಧವ್, ಪ್ರಿಯಾ, ಶೋಭಿತಾ, ಮಧು, ಲಿಂಗರಾಜು, ಕಮಲ್ ಇದ್ದರು.