ಹದಿಹರೆಯದವರಿಗೆ ಹೃದಯಾಘಾತ ಸಂಭವಿಸಲು ರಕ್ತದೊತ್ತಡ, ಮಧುಮೇಹ, ರಕ್ತದಲ್ಲಿ ಕೊಲೆಸ್ಟ್ರಾಲ್, ದೇಹದ ತೂಕ ಪ್ರಮುಖ ಕಾರಣವಾಗುತ್ತಿವೆ. ರೋಗಿಯ ಕೌಟುಂಬಿಕ ಹಿನ್ನೆಲೆಯೂ ಮುಖ್ಯ ಅಂಶವಾಗುತ್ತಿದೆ. 50 ವರ್ಷದೊಳಗಿನವರಿಗೆ ಹೃದಯಾಘಾತವಾಗಿದ್ದರೆ ಅವರ ಕುಟುಂಬದಲ್ಲಿ ಮತ್ತೊಬ್ಬರಿಗೆ ಹೃದಯಾಘಾತವಾದಾಗ ಇದನ್ನು ್ಯಾಮಿಲಿ ಹಿಸ್ಟರಿಗೆ ಸೇರಿಸಲಾಗುತ್ತದೆ. ಇಂದಿನ ಯುವಪೀಳಿಗೆ ಮಧ್ಯಪಾನ, ಧೂಮಪಾನದಂತಹ ಚಟಗಳಿಗೆ ಸಿಲುಕಿದೆ. ಧೂಪಮಾನ ಶೇ.60ರಷ್ಟು ಹೃದಯಾಘಾತಕ್ಕೆ ಕಾರಣವಾಗುತ್ತಿದೆ. ಆಹಾರದಲ್ಲಿ ಸಕ್ಕರೆ, ಸಿಹಿತಿಂಡಿ, ಉಪ್ಪು, ಾಸ್ಟ್ುಡ್, ಕೊಬ್ಬಿನಾಂಶ ಜಾಸ್ತಿ ಇದ್ದರೆ ಅಪಾಯಕಾರಿ. ತೂಕ ಕಡಿಮೆ ಇದ್ದರೂ ಕೊಲೆಸ್ಟ್ರಾಲ್ ಜಾಸ್ತಿ ಇರುವ ಸಾಧ್ಯತೆಗಳೂ ಇವೆ. ಒತ್ತಡದ ಜೀವನ ಹೃದಯದ ಮೇಲೆ ಬಹಳ ಪರಿಣಾಮ ಬೀರುತ್ತಿದೆ. ಒತ್ತಡವೂ ಒಂದು ರೀತಿಯ ಚಟವಾಗಿ ಪರಿಣಮಿಸುತ್ತಿದೆ. ಸಣ್ಣ-ಪುಟ್ಟ ವಿಚಾರಗಳಿಗೂ ಒತ್ತಡ ತೆಗೆದುಕೊಂಡು ಆರೋಗ್ಯ ಹಾಳು ಮಾಡಿಕೊಳ್ಳುವವರು ಹೆಚ್ಚಾಗುತ್ತಿದ್ದಾರೆ. ಜಿಮ್ ಸೇರುವ ಯುವಕರು ಮೊದಲೇ ಆರೋಗ್ಯ ತಪಾಸಣೆ ಮಾಡಿಸಿಕೊಂಡು ದೇಹದ ತೂಕಕ್ಕೆ ಸರಿಪ್ರಮಾಣದಲ್ಲಿ ಭಾರ ಎತ್ತಬೇಕು. ಅತಿಯಾದ ವ್ಯಾಯಾಮ ಮಾಡುವುದೂ ಸಹ ಆರೋಗ್ಯಕ್ಕೆ ಅಪಾಯಕಾರಿ. ದೇಹ ಹುರಿಗೊಳಿಸಲು ಸ್ಟಿರಾಯ್ಡಿ ಉಪಯೋಗಿಸುವುದರಿಂದಲೂ ಸಮಸ್ಯೆಯುಂಟಾಗುತ್ತದೆ. ಕೋವಿಡ್ ಲಸಿಕೆಯಿಂದ ಹರಿಹರೆಯದವರಲ್ಲಿ ಹೃದಯಾಘಾತ ಹೆಚ್ಚಳವಾಗಿದೆ ಎಂದು ಹೇಳಲಾಗುತ್ತಿದೆ. ಈ ಕುರಿತು ಹಿರಿಯ ಪತ್ರಕರ್ತ ರಾಜಾರಾಂ ತಲ್ಲೂರು ಸಿಎಂ ಸಿದ್ದರಾಮಯ್ಯ ಅವರಿಗೆ ಇ-ಮೇಲ್ ಮಾಡಿ ಗಮನ ಸೆಳೆದಿದ್ದರು. ಈ ನಿಟ್ಟಿನಲ್ಲಿ ರಾಜ್ಯ ಸರ್ಕಾರ ಅಧ್ಯಯನ ನಡೆಸಲು ಸಮಿತಿಯನ್ನು ನೇಮಕ ಮಾಡಿತು.
