ಕಿಮ್ಸ್​ನಲ್ಲಿ ಸ್ವಾಬ್ ಕಲೆಕ್ಷನ್ ಲ್ಯಾಬ್ ಸ್ಥಾಪನೆ

ಹುಬ್ಬಳ್ಳಿ: ನಗರದ ಕಿಮ್್ಸಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಮುಂಭಾಗದಲ್ಲಿ ಸ್ವಾಬ್ ಕಲೆಕ್ಷನ್ ಲ್ಯಾಬ್​ಅನ್ನು ಬುಧವಾರ ಸ್ಥಾಪಿಸಲಾಯಿತು.

ಡಾ. ಪ್ರಕಾಶ ಸಂಕನೂರ ಅವರು ಇದನ್ನು ಸಿದ್ಧಪಡಿಸಿದ್ದು, ಈಗಾಗಲೇ ಗದಗ ಜಿಲ್ಲೆಯ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ ಸ್ಥಾಪಿಸಲಾಗಿದೆ. ಎಂಎಲ್​ಸಿ ಎಸ್.ವಿ. ಸಂಕನೂರು, ಯಂಗ್ ಇಂಡಿಯನ್ಸ್ ಹು-ಧಾ ಶಾಖೆ ಮತ್ತು ಲೇಡಿಸ್ ಸರ್ಕಲ್ ಇಂಡಿಯಾ ಸಹಭಾಗಿತ್ವದಲ್ಲಿ ಕಿಮ್ಸ್​ನಲ್ಲಿ ಸ್ಥಾಪಿಸಲಾಯಿತು. ಇನ್ನೊಂದು ಘಟಕವನ್ನು ಧಾರವಾಡದಲ್ಲಿ ಸ್ಥಾಪಿಸಲು ನಿರ್ಧರಿಸಲಾಗಿದೆ.

ಧಾರವಾಡ ಜಿಲ್ಲಾ ಉಸ್ತುವಾರಿ ಸಚಿವ ಜಗದೀಶ ಶೆಟ್ಟರ್ ಲ್ಯಾಬ್​ಅನ್ನು ಸಾರ್ವಜನಿಕ ಸೇವೆಗೆ ಅರ್ಪಿಸಿದರು.

ಎಂಎಲ್​ಸಿಗಳಾದ ಪ್ರದೀಪ ಶೆಟ್ಟರ್, ಎಸ್.ವಿ. ಸಂಕನೂರ, ಜಿಲ್ಲಾಧಿಕಾರಿ ದೀಪಾ ಚೋಳನ್, ನಿರ್ದೇಶಕ ಡಾ. ರಾಮಲಿಂಗಪ್ಪ ಅಂಟರತಾನಿ, ಡಾ. ಅರುಣಕುಮಾರ ಸಿ., ಡಾ. ರಾಜಶೇಖರ ದ್ಯಾಬೇರಿ, ಡಾ. ಎಸ್.ವೈ. ಮುಲ್ಕಿಪಾಟೀಲ, ಡಾ. ರವೀಂದ್ರ ಗದಗ ಇತರರು ಇದ್ದರು.