ಮರುಭೂಮಿಯಲ್ಲಿ ಓಯಾಸೀಸ್ : ಬೆಂಗಳೂರಿನ ಚರಂಡಿ ನೀರು ರಾಸಾಯನಿಕ ಲವಣಾಂಶಗಳನ್ನು ಅಧಿಕ ಪ್ರಮಾಣದಲ್ಲಿ ಹೊಂದಿದೆ. ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರಲಿದ್ದು, ಈ ನೀರು ಜಿಲ್ಲೆಗೆ ಬೇಡ. ಒಂದೊಮ್ಮೆ ನೀರು ಹರಿಸುವುದಾದರೆ ಮೂರು ಹಂತಗಳಲ್ಲಿ ಸಂಸ್ಕರಿಸಿ ಹರಿಸಬೇಕೆಂದು ಶಾಶ್ವತ ನೀರಾವರಿ ಹೋರಾಟ ಸಮಿತಿ ಹೋರಾಟ ನಡೆಸುತ್ತಿದೆ. ಮತ್ತೊದೆಡೆ ಈ ನೀರು ಕುಡಿಯಲು ಅಲ್ಲ, ಕೆರೆಗಳಿಗೆ ಹರಿಸಿ, ಅಂತರ್ಜಲವೃದ್ಧಿಗೆ ಸೀಮಿತವಾಗಿದೆ. ಇದರಿಂದ ಕೃಷಿಗೆ ಅನುಕೂಲವಾಗಲಿದೆ ಎಂದು ಇನ್ನೊಂದು ಗುಂಪು ಹೇಳುತ್ತಿದೆ. ಪರ-ವಿರೋಧಗಳ ನಡುವೆ ಕೆರೆಗಳಿಗೆ ನೀರು ಹರಿಯುತ್ತಿರುವುದರಿಂದ ಶಾಶ್ವತ ನೀರಾವರಿ ಯೋಜನೆಗಳಿಲ್ಲಿದ ಈ ಭಾಗಕ್ಕೆ ಓಯಾಸೀಸ್ ಸಿಕ್ಕಂತಾಗಿದೆ.
