ಕಾಲುಸಂಕ ನಿರ್ಮಾಣಕ್ಕೆ ಒತ್ತು

ಸಾಗರ ತಾಲೂಕಿನಲ್ಲಿ 226 ಕಾಲುಸಂಕಗಳಿಗೆ ಪ್ರಸ್ತಾವನೆ ನೀಡಲಾಗಿದೆ. ತುರ್ತಾಗಿ ಕೆಲ ಕಾಲುಸಂಕಗಳಿಗೆ ಅನುದಾನ ಬಿಡುಗಡೆ ಮಾಡಲಾಗಿದೆ. ಸರ್ಕಾರದ ಲೋಕೋಪಯೋಗಿ ಇಲಾಖೆ ಕಾಮಗಾರಿಗಳು ನಿಗದಿತ ಅವಧಿಯಲ್ಲಿ ಮುಕ್ತಾಯಗೊಳ್ಳಬೇಕು. ಗುಣಮಟ್ಟ ಕಾಪಾಡಿಕೊಳ್ಳಬೇಕು. ಯಾವ ಕಾರಣಕ್ಕೂ ವಿಳಂಬವಾಗದಂತೆ ಗಮನಿಸಬೇಕು. ಸತೀಶ್ ಜಾರಕಿಹೊಳಿ, ಲೋಕೋಪಯೋಗಿ ಸಚಿವ ಆಡಳಿತ ಸೌಧಕ್ಕೆ 4 ಕೋಟಿ ರೂ. ಲೋಕೋಪಯೋಗಿ ಸಚಿವರು ಮನವಿಗೆ ಪೂರಕವಾಗಿ ಸ್ಪಂದಿಸಿ ಸಾಗರ ವಿಧಾನಸಭಾ ಕ್ಷೇತ್ರಕ್ಕೆ ಹೆಚ್ಚಿನ ಅನುದಾನ ಬಿಡುಗಡೆ ಮಾಡಿದ್ದಾರೆ ಎಂದು ಶಾಸಕ ಗೋಪಾಲಕೃಷ್ಣ ಬೇಳೂರು ಹೇಳಿದರು. 20 ಕೋಟಿ ರೂ. ವೆಚ್ಚದಲ್ಲಿ ರಾಜ್ಯ ರಸ್ತೆ ಮತ್ತು ಜಿಲ್ಲಾ ರಸ್ತೆಗಳ ಡಾಂಬರೀಕರಣ ನಡೆಯುತ್ತಿದೆ. ಎಸ್‌ಎಚ್‌ಡಿಬಿ ಯೋಜನೆಯಡಿ 30 ಕೋಟಿ ರೂ. ಹಣ ಬಿಡುಗಡೆಯಾಗಿದ್ದು, ಎಡೆಹಳ್ಳಿ, ರಿಪ್ಪನ್‌ಪೇಟೆ ರಸ್ತೆಗೆ 20 ಕೋಟಿ ರೂ., ಸಾಗರ ಪಟ್ಟಣದ ರಾಮನಗರ ಮತ್ತು ಕೆಳದಿ ರಸ್ತೆಗೆ 11 ಕೋಟಿ ರೂ. ಅನುದಾನ ಬಂದಿದೆ. ಸಿಆರ್‌ಎ್ಎ್ ಯೋಜನೆಯಲ್ಲಿ ಸೀತಾಕಟ್ಟೆಯಿಂದ ಕಾರ್ಗಲ್ ಗಡಿಯವರೆಗೆ 6 ಕೋಟಿ ರೂ. ಅನುದಾನದಲ್ಲಿ ಕಾಮಗಾರಿಗಳು ನಡೆಯುತ್ತಿವೆ. ಸಾಗರ ತಾಲೂಕಿನ ಆಡಳಿತ ಸೌಧಕ್ಕೆ 4 ಕೋಟಿ ರೂ. ಹೆಚ್ಚುವರಿಯಾಗಿ ಬಿಡುಗಡೆಯಾಗಿದ್ದು, 50 ಲಕ್ಷ ರೂ.ಗಳನ್ನು ಪೀಠೋಪಕರಣಗಳಿಗೆ ತೆಗೆದಿರಿಸಲಾಗಿದೆ ಎಂದು ತಿಳಿಸಿದರು. ಸಾಗರ ಕ್ಷೇತ್ರದಲ್ಲಿ ಪ್ರಸ್ತುತ ಹಲವು ಯೋಜನೆಗಳಿಗೆ ಲೋಕೋಪಯೋಗಿ ಸಚಿವರಲ್ಲಿ ಅನುದಾನ ಕೋರಿದ್ದು, ಸಾಗರ ಪಟ್ಟಣದ ಹೆಚ್ಚುವರಿ ವಸತಿ ಗೃಹಗಳ ನಿರ್ಮಾಣಕ್ಕೆ 4 ಕೋಟಿ ರೂ., ರಾಣಿ ಚನ್ನಮ್ಮ ವೃತ್ತದಿಂದ ಶ್ರೀಗಂಧದ ಸಂಕೀರ್ಣದವರೆಗೆ ಕಾಮಗಾರಿಗೆ ಅನುದಾನ, ಮಾರುಕಟ್ಟೆ ರಸ್ತೆ ಅಗಲೀಕರಣಕ್ಕೆ ಸಂಬಂಧಿಸಿ ಬಾಕಿ ಇರುವ ಪರಿಹಾರ ಹಣ ಬಿಡುಗಡೆಗೆ ಮನವಿ ಮಾಡಿದ್ದೇವೆ. ಸಾಗರ ಮತ್ತು ಹೊಸನಗರ ಕ್ಷೇತ್ರದ ಅಭಿವೃದ್ಧಿಗೆ ಕೆಲ ಪ್ರಸ್ತಾವನೆ ನೀಡಲಾಗಿದೆ. ಗೋಪಾಲಕೃಷ್ಣ ಬೇಳೂರು, ಶಾಸಕ