ತಾಲೂಕಿನ ಹೊಂಗನೂರು ಗ್ರಾಮದ ರಂಗಸ್ವಾಮಿ (28) ಎಂಬ ಯುವಕನಿಗೆ ವರ್ಷಗಳ ಹಿಂದೆ ರೇಚಂಬಳ್ಳಿ ಸಮೀಪ ಅಪಘಾತವಾಗಿ ಬಲಗಾಲಿನ ಮೂಳೆ ಮುರಿದಿತ್ತು. ಈ ವೇಳೆ ಶಸ್ತ್ರ ಚಿಕಿತ್ಸೆ ಮಾಡಿಸಿದ್ದು, ಯಾವುದೇ ರೀತಿಯಲ್ಲೂ ಗುಣವಾಗಿರಲಿಲ್ಲ. ಮನೆಗೆ ಆಧಾರವಾಗಿದ್ದ ಮಗನು ಕಾಲು ನೋವಿನಿಂದ ಹಾಸಿಗೆ ಹಿಡಿದ ಮೇಲೆ ಕುಟುಂಬ ಸಂಕಷ್ಟಕ್ಕೆ ಸಿಲುಕಿತು. ಈ ವೇಳೆ ರಂಗಸ್ವಾಮಿ ಅವರ ಹಲವಾರು ಸ್ನೇಹಿತರು ಮತ್ತೊಮ್ಮೆ ಶಸ್ತ್ರ ಚಿಕಿತ್ಸೆ ಮಾಡಿಸಲು ನೆರವಾಗಿದ್ದರು. ಆದರೇ ಅದು ಫಲಕಾರಿಯಾಗದೇ, ಯುವಕ ರಂಗಸ್ವಾಮಿ ಸಂಪೂರ್ಣ ಹಾಸಿಗೆ ಹಿಡಿದಿದ್ದಾರೆ. ಇತ್ತೀಚೆಗೆ ಮೈಸೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಶಸ್ತ್ರ ಚಿಕಿತ್ಸೆ ಮಾಡಬಹುದು ಎಂದು ಹೇಳಿದ್ದು, ಶಸ್ತ್ರ ಚಿಕಿತ್ಸೆಗೆ ಸುಮಾರು 2-3 ಲಕ್ಷ ರೂ, ಹಣ ವೆಚ್ಚವಾಗಲಿದೆ. ಶಸ್ತ್ರ ಚಿಕಿತ್ಸೆಗೆ ಬೇಕಾದ ಹಣವನ್ನು ಹೊಂದಿಸಲಾಗದೇ ಕುಟುಂಬ ತುಂಬಾ ಸಂಕಷ್ಟದಲ್ಲಿದೆ. ಈ ವೇಳೆ ರಂಗಸ್ವಾಮಿ ಸ್ನೇಹಿತರು ಮತ್ತೆ ನೆರವಿಗೆ ಧಾವಿಸಿದ್ದಾರೆ. ಆದರೇ ಶಸ್ತ್ರ ಚಿಕಿತ್ಸೆಗೆ ಮತ್ತಷ್ಟು ನೆರವಿನ ಅಗತ್ಯವಿದ್ದು, ಕುಟುಂಬ ಸಹಾಯಹಸ್ತ ಚಾಚಿದೆ.
