ಕೇರಳದಲ್ಲಿ ಪಶು ವ್ಯಾಪಾರಿಗಳಾಗಿರುವ ಅಬ್ದುಲ್ ಮಸೀದ್, ಮಹಮದ್ ಕೋಡಿಲ್ ಹಾಗೂ ನೌಶದ್ ಅವರು ಆಂಧ್ರದ ಗುಡಿಮಂಡ ಎಂಬಲ್ಲಿ ಸಂತೆಗೆ ತೆರಳಿ 90 ಸಾವಿರ ರೂ.ಗಳಿಗೆ ಎಮ್ಮೆಗಳನ್ನು ಖರೀದಿಸಿ ವಾಪಸ್ ಬರುತ್ತಿದ್ದರು.ಕೆ.ಬಿ ಕ್ರಾಸ್ ಮಾರ್ಗವಾಗಿ ಆಗಮಿಸಿದ ಇವರು ಮಾರ್ಗ ಮಧ್ಯೆ ನಾಗಮಂಗಲ ಮಸೀದಿಯಲ್ಲಿ ಪ್ರಾರ್ಥನೆ ಸಲ್ಲಿಸಿ ಬಳಿಕ ಹೋಟೆಲ್ ಒಂದರಲ್ಲಿ ಊಟ ಮಾಡಿ ಪ್ರಯಾಣ ಮುಂದುವರೆಸಿದ್ದು, ಶ್ರೀರಂಗಪಟ್ಟಣ ಪ್ರವೇಶಿಸುತ್ತಿದ್ದಂತೆ ಇನ್ನೋವಾ ಕಾರಿನಲ್ಲಿ ಇವರ ಕಾರನ್ನು ಹಿಂಬಾಲಿಸಿಕೊಂಡು ಬಂದ ಐವರು ದರೋಡೆಕೋರರು ಏಕಾಏಕಿ ಉತ್ತರ ಕಾವೇರಿ ಸೇತುವೆ ರಸ್ತೆ ಮಧ್ಯೆ ಇವರನ್ನು ಅಡ್ಡಗಟ್ಟಿದ್ದಾರೆ. ಬಳಿಕ ಕೇರಳಿಗರು ಇದ್ದ ಲೀವಾ ಕಾರಿನ ಗಾಜು ಒಡೆದು ಒಳಗೆ ಕುಳಿತಿದ್ದ ಮೂವರ ಮೇಲೂ ಪೆಪ್ಪರ್ ಸ್ಪ್ರೇ ಮಾಡಿ ಕಾರಿಂದ ಹೊರಗೆಳೆದಿದ್ದಾರೆ. ಬಳಿಕ ಇವರ ಬಳಿ ಇದ್ದ 10 ಸಾವಿರ ರೂ. ಹಣ, 3 ಮೊಬೈಲ್ ಹಾಗೂ 1 ರ್ಯಾಡೋ ಕೈಗಡಿಯಾರವನ್ನು ದೋಚಿ ಕಾರಿನ ಸಮೇತ ಸ್ಥಳದಿಂದ ಪರಾರಿಯಾಗಿದ್ದಾರೆ.
