ಕಾಡಾನೆ ದಾಳಿಗೆ ಬೆಳೆ ನಾಶ

ಕೈಲಾಂಚ : ಹೋಬಳಿಯ ಗುನ್ನೂರು ಗ್ರಾಮದಲ್ಲಿ ಮೂರು ಆನೆಗಳು ಮಂಗಳವಾರ ರಾತ್ರಿ ಭತ್ತದ ಬೆಳೆ ನಾಶ ಪಡಿಸಿವೆ. ಕಾವೇರಿ ವನ್ಯಜಿವಿಧಾಮದಿಂದ ಬಂದಿರುವ ಆನೆಗಳ ಹಿಂಡು ಚಿಕ್ಕಮಣ್ಣುಗುಡ್ಡೆ ಅರಣ್ಯ ಪ್ರದೇಶಕ್ಕೆ ಬಂದು ವಿಭೂತಿಕೆರೆ ಅಂಜನಾಪುರ ಮುಖಾಂತರ ಅಚ್ಚಲು ಅರಣ್ಯಕ್ಕೆ ಮಂಗಳವಾರ ಬಂದಿದ್ದ ಆನೆಗಳು ವಾಪಸ್​ ಸ್ವಸ್ಥಾನಕ್ಕೆ ಹೋಗದೆ, ಹುಣಸನಹಳ್ಳಿ ಬಳಿ ಅರ್ಕಾವತಿ ನದಿ ದಾಟಿ ನಾಗೋಹಳ್ಳಿ, ವಡ್ಡರಹಳ್ಳಿ ಮುಖಾಂತರ ಗುನ್ನೂರು ಗ್ರಾಮದ ಕಡೆ ಬಂದು ಭತ್ತದ ಫೈರು ನಾಶ ಮಾಡಿ ಗುನ್ನೂರು ಅರಣ್ಯದತ್ತ ಸಾಗಿವೆ.