ಕಲಬುರಗಿ: ಜಿಲ್ಲೆಯಲ್ಲಿ ಕರೊನಾ 2ನೇ ಅಲೆ ಏರುಗತಿಯಲ್ಲಿದ್ದು, ಬುಧವಾರ ಮತ್ತೇ 205 ಪ್ರಕರಣಗಳು ಕಾಣಿಸಿಕೊಂಡು, ಇಬ್ಬರು ವೃದ್ಧೆಯರು ಮೃತಪಟ್ಟಿದ್ದಾರೆ. ಬುಧವಾರದ ಎರಡು ಸಾವು ಸೇರಿ ಮೃತರ ಸಂಖ್ಯೆ 355ಕ್ಕೇರಿದಂತಾಗಿದೆ. 135 ಜನ ಚೇತರಿಸಿಕೊಂಡು ಬಿಡುಗಡೆಗೊಂಡಿದ್ದಾರೆ.
ಈವರೆಗೆ ಒಟ್ಟು 25186 ಸೋಂಕಿತರಾಗಿದ್ದು, ಒಟ್ಟು 23275 ಜನ ಚೇತರಿಸಿಕೊಂಡಿದ್ದಾರೆ. ಪ್ರಸಕ್ತ 1556 ಸಕ್ರೀಯ ಪ್ರಕರಣಗಳಿವೆ.
ಜಿಲ್ಲೆಯಲ್ಲಿ ಕರೊನಾ ಟೆಸ್ಟಿಂಗ್ನಲ್ಲಿ ಹೆಚ್ಚಳ ಮಾಡಲಾಗಿದೆ. ಈ ನಿಟ್ಟಿನಲ್ಲಿ ಇಲಾಖೆ ಸಿಬ್ಬಂದಿ ಸಂಪೂರ್ಣ ತೊಡಗಿಸಿಕೊಂಡಿದೆ. ಸಕರ್ಾರಿ ರಜೆ ದಿನದಂದೂ ಸಿಬ್ಬಂದಿಗೆ ರಜೆ ನೀಡುತ್ತಿಲ್ಲ ಎಂದು ಜಿಲ್ಲಾ ಆರೋಗ್ಯ ಇಲಾಖೆ ಮೂಲಗಳು ತಿಳಿಸಿವೆ.
ಇಬ್ಬರು ಸಾವು
ಸೋಂಕಿನಿಂದ ಕಲಬುರಗಿ ನಗರದಲ್ಲಿ ಇಬ್ಬರು ಸಾವನ್ನಪ್ಪಿದ್ದಾರೆ ಎಂದು ಬುಧವಾರದ ಅರೋಗ್ಯ ಬುಲೆಟಿನ್ ತಿಳಿಸಿದೆ.
ಸಾರಿ ಹಿನ್ನೆಲೆ ಜತೆಗೆ ಅಧಿಕ ರಕ್ತದೊತ್ತಡ ಮತ್ತು ಮಧುಮೇಹದಿಂದ ಬಳಲುತ್ತಿದ್ದ ಮೋಮಿನಪುರದ 75 ವರ್ಷದ ವೃದ್ಧೆ ಮಾ.29 ರಂದು ಖಾಸಗಿ ಅಸ್ಪತ್ರೆಗೆ ದಾಖಲಾಗಿ, ಏ.6 ರಂದು ನಿಧನ ಹೊಂದಿದ್ದಾರೆ. ಸಾರಿ ಹಿನ್ನೆಲೆಯಿಂದ ಮಿಲ್ಲತ್ ನಗರದ 60 ವರ್ಷದ ವೃದ್ಧೆ ಏ.5 ರಂದು ಕೋವಿಡ್ ಅಸ್ಪತ್ರೆಗೆ ದಾಖಲಾಗಿ, ಏ.6 ರಂದು ನಿಧನ ಹೊಂದಿದ್ದಾರೆ.
