‘ವಿಜಯವಾಣಿ’ಯೊಂದಿಗೆ ಮಾತನಾಡಿದ ಅವರು, ಸೋಂಕು ಮುಕ್ತ ಆಗಿ ಬಂದರೂ ರೋಗನಿರೋಧಕ ಶಕ್ತಿ 45ರಿಂದ 50 ದಿನದವರೆಗೆ ಇರುತ್ತದೆ ಎನ್ನಲಾಗುತ್ತಿದೆ. ಸೋಂಕು ತಾಗಿ ಗುಣವಾಗಿ ಬಂದೆ ಎಂದು ಎಲ್ಲೆಂದರಲ್ಲಿ ಓಡಾಡುವುದು ಒಳ್ಳೆಯದಲ್ಲ. ಮರು ಸೋಂಕು ತಾಗಿದರೆ ಮತ್ತಷ್ಟು ಕಷ್ಟ ಆಗಲಿದೆ. ಮಾಸ್ಕ್, ಪರಸ್ಪರ ಅಂತರ, ಕೈ ತೊಳೆಯುವುದು(ಎಂಡಿಡಬ್ಲ್ಯು) ನಿರಂತರವಾಗಿಸಿಕೊಳ್ಳಬೇಕು. ಇದನ್ನು 2021ರವರೆಗೆ ಕಾಯ್ದುಕೊಳ್ಳುವುದು ಅತ್ಯಗತ್ಯ. 2ರಿಂದ 14 ದಿನದೊಳಗೆ ಕರೊನಾ ಸೋಂಕಿನ ಲಕ್ಷಣಗಳು ಕಂಡುಬರುತ್ತವೆ. 14 ದಿನದೊಳಗೆ ಐಜಿಎಂ, ನಂತರ ಐಜಿಜಿ ಲೆವೆಲ್ ಗೊತ್ತಾಗುತ್ತದೆ. ಐಜಿಜಿ ಲೆವೆಲ್ (ರೋಗನಿರೋಧಕ ಶಕ್ತಿ ಪ್ರಮಾಣ) ಪರೀಕ್ಷೆ ಮಾಡಿದರೆ ಸ್ಪಷ್ಟತೆ ಗೊತ್ತಾಗುತ್ತದೆ ಎಂದಿದ್ದಾರೆ.
