ಕರೇಕಟ್ಟೆ ತಂಡಕ್ಕೆ ವಾಲಿಬಾಲ್ ಪ್ರಶಸ್ತಿ

ವಿಜೇತ ತಂಡಕ್ಕೆ 12 ಸಾವಿರ ರೂ. ಹಾಗೂ ಆಕರ್ಷಕ ಪಾರಿತೋಷಕ ನೀಡಲಾಯಿತು. ಉಳಿದಂತೆ ಮಲೇಬೆನ್ನೂರು ತಂಡ ದ್ವಿತೀಯ (8 ಸಾವಿರ ರೂ), ಹರಿಹರ ತಂಡ ತೃತೀಯ ( 5 ಸಾವಿರ ರೂ.), ದೇವರಾಜ ಅರಸು ಬಡಾವಣೆಯ ಬಾಲಕರ ತಂಡ ನಾಲ್ಕನೇ ಬಹುಮಾನವಾಗಿ 3 ಸಾವಿರ ರೂ. ಪಡೆದರು. ಜಿಲ್ಲೆಯ ವಿವಿಧೆಡೆಗಳಿಂದ 19 ತಂಡಗಳು ಭಾಗವಹಿಸಿದ್ದವು. ಹೊನಲು ಬೆಳಕಿನ ಈ ಟೂರ್ನಿ ತಡರಾತ್ರಿ 2 ಗಂಟೆಯರೆಗೂ ನಡೆಯಿತು. ಹಿರಿಯ ಕ್ರೀಡಾಪಟುಗಳಾದ ಇಮ್ತಿಯಾಜ್, ಹಬೀಬಾ, ಮಾಜಿ ಯೋಧ ಪ್ರದೀಪ್ ಅವರನ್ನು ಸನ್ಮಾನಿಸಲಾಯಿತು. ವಾಲಿಬಾಲ್ ಅಸೋಸಿಯೇಷನ್ ಜಂಟಿ ಕಾರ್ಯದರ್ಶಿ ಗುರುರಾಜ್, ಸಂತೋಷ್ ಲೋಕಿಕೆರೆ, ನಟರಾಜ್, ಗಿರೀಶ್, ಐ. ಎಂ. ರಾಕೇಶ್, ಸುಮಂತ್, ಸಂದೀಪ್, ಶ್ರೀನಿವಾಸ್, ಯುವರಾಜ್ ಇದ್ದರು.