ನಾವು ಕಳೆದ ಜ.28 ರಂದು ಡಿಸಿ ಹಾಗೂ ತೋಟಗಾರಿಕೆ ಇಲಾಖೆ ಉಪ ನಿರ್ದೇಶಕರಿಗೆ ಮನವಿ ಸಲ್ಲಿಸಿದ್ದೆವು. ಇದೇ ರೀತಿ ರಾಜ್ಯದ 20 ಜಿಲ್ಲೆಗಳಲ್ಲೂ ಮನವಿ ಸಲ್ಲಿಸಲಾಗಿತ್ತು. ಅವರು ಸರ್ಕಾರಕ್ಕೆ ಪ್ರಸ್ತಾವನೆ ಕಳುಸಿದ್ದರು. ಅದರಂತೆ ನಾವು ಹಾಗೂ ರಾಜ್ಯದ ವಿವಿಧೆಡೆ ಬೆಳೆದಿರುವ ಹಸಿ ಶುಂಠಿಗೆ ಕೆಜಿಗೆ 42,90 ರೂ. (ಕ್ವಿಂಟಾಲ್ಗೆ 4,290 ರೂ.) ನೀಡಲು ಕರ್ನಾಟಕ ಕೃಷಿ ಬೆಲೆ ಆಯೋಗದ ನಿರ್ದೇಶನದಂತೆ ಶಿಫಾರಸು ಮಾಡಿದೆ. ಕೇಂದ್ರ ಸಹ ರಾಜ್ಯಕ್ಕೆ ಸಲಹೆ ಸೂಚನೆ ನೀಡಿದೆ. ಆದ್ದರಿಂದ ಕೆಲವೇ ದಿನಗಳಲ್ಲಿ ಖರೀದಿ ಕೇಂದ್ರ ತೆರೆದು ಶುಂಠಿ ಕೊಂಡುಕೊಳ್ಳಲಾಗುತ್ತದೆ. ಹಾಗಾಗಿ ಎಲ್ಲ ರೈತರೂ ತಮ್ಮ ಬಳಿ ಇರುವ ಶುಂಠಿಯನ್ನು ಮಾರಾಟ ಮಾಡಬಾರದು.ಬೆಂಬಲ ಬೆಲೆಯಡಿ ಶುಂಠಿ ಖರೀದಿಯಾದರೆ ಸಣ್ಣ ಬೆಳೆಗಾರರಿಗೆ ಸಾಕಷ್ಟು ಅನುಕೂಲ ಆಗಲಿದೆ ಎಂದು ಹೇಳಿದರು. ’
