ಬೋನೈಡ್ ಹಗರಣದ ಸಂಬಂಧ ತುಮಕೂರು ಆರ್ಟಿಒದ ನಿವೃತ್ತ ಆರ್ಟಿಒ, ಸೂಪರಿಂಟೆಂಡೆಂಟ್, ಕೇಸ್ ವರ್ಕರ್ ಹಾಗೂ ಮಧ್ಯವರ್ತಿ ಸೇರಿ ಐವರ ಹೆಸರುಗಳನ್ನು ಉಲ್ಲೇಖಿಸಿ ಲೋಕಾಯುಕ್ತ ಪೊಲೀಸರು ಪ್ರಧಾನ ಕಚೇರಿಗೆ ಮಹಜರು ವರದಿ ಸಲ್ಲಿಸಿದ್ದಾರೆ. ನ.27ರಂದು ಲೋಕಾಯುಕ್ತ ಪೊಲೀಸರ ತಂಡ ದಾಳಿ ನಡೆಸಿ ಪರಿಶೀಲನೆ ನಡೆಸಿತ್ತು. ಎರಡು ವರ್ಷದಲ್ಲಿ ಬರೋಬ್ಬರಿ 6 ಸಾವಿರಕ್ಕೂ ಅಧಿಕ ಟ್ರಾ$್ಯಕ್ಟರ್ಗಳು ರಿಜಿಸ್ಟ್ರೆಷನ್ ಆಗಿರುವುದು ಬಹಿರಂಗವಾಗಿದ್ದು, ನೋಂದಣಿಗೆ ಸಂಬಂಧಪಟ್ಟ ಎಲ್ಲ ದಾಖಲಾತಿಗಳನ್ನು ಜಪ್ತಿ ಮಾಡಿಕೊಂಡು ಹೋಗಿದೆ. ಟ್ರಾ$್ಯಕ್ಟರ್ ಹಾಗೂ ಟ್ರಾಲಿಗಳ ನೋಂದಣಿಗೆ ಸಂಬಂಧಿಸಿದಂತೆ 2500ಕ್ಕೂ ಅಧಿಕ ಕಡತಗಳೇ ಇಲ್ಲದಿರುವುದು ಗೊತ್ತಾಗಿದೆ. ಹೀಗಾಗಿ ತಪ್ಪಿತಸ್ಥ ಅಧಿಕಾರಿ ಮತ್ತು ಸಿಬ್ಬಂದಿಗಳ ವಿರುದ್ಧ ಪ್ರಾಸಿಕ್ಯೂಷನ್ಗೆ ಅನುಮತಿ ಕೋರಿ ಸಮ ಪ್ರಾಧಿಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲು ಲೋಕಾಯುಕ್ತ ಪೊಲೀಸರು ಸಿದ್ಧತೆ ನಡೆಸಿದ್ದಾರೆ.
