ಬಾಗಲಕೋಟೆ: ಸ್ವಾರ್ಥ ಮುಂದೆ ಬಂದರೆ ಸಾಧನೆ ಹಿಂದೆ ಸರಿಯುತ್ತದೆ. ಸ್ವಾರ್ಥ ಹಿಂದೆ ಸರಿದರೆ ನೀವು ಮಾಡಿದ ಸಾಧನೆ ತಾನಾಗಿ ಹೊರ ಬರುತ್ತದೆ. ಅದು ಸ್ಪೂರ್ತಿ ಸೆಲೆಯಾಗುತ್ತದೆ. ವೃತ್ತಿ ಯಾವುದಾದರು ಇರಲಿ. ಅದರಕ್ಕೆ ಪರಿಶ್ರಮ, ಪೂರ್ವ ಸಿದ್ಧತೆ ಅಗತ್ಯ ಎಂದು ಲೋಕಾಯುಕ್ತ ಬಿ.ಎಸ್.ಪಾಟೀಲ ಹೇಳಿದರು.
ನಗರದ ಬಸವೇಶ್ವರ ಇಂಜಿನಿರಿಂಗ್ ಕಾಲೇಜಿನ ಸಭಾಭವನದಲ್ಲಿ ಶನಿವಾರ ಜಿ.ಎಸ್.ಛಬ್ಬಿ ಅಸೋಸಿಯೇಟ್ಸ್, ಜಿಲ್ಲಾ ವಕೀಲರ ಸಂಘ, ಎಸ್.ಸಿ.ನಂದಿಮಠ ಕಾನೂನು ಮಹಾವಿದ್ಯಾಲಯ ಸಹಯೋಗದಲ್ಲಿ ನಿವೃತ್ತ ನ್ಯಾಯಾಶ ಜಿ.ಎಚ್.ಛಬ್ಬಿ ಸಂಸ್ಮರಣಾ ನಿಮಿತ್ತ ಹಮ್ಮಿಕೊಂಡಿದ್ದ ಕಾರ್ಯಾಗಾರ ಉದ್ಘಾಟಿಸಿ ಅವರು ಮಾತನಾಡಿದರು.
ಎಲ್ಲರಿಗೂ ಸಾಧನೆ ಮಾಡುವ ಸಾಮಥ್ರ್ಯವಿದೆ. ಅದನ್ನು ಬಳಸಿಕೊಳ್ಳುವದಿಲ್ಲ. ಸಾಮಥ್ರ್ಯ ಅರಿತುಕೊಂಡು ಮುನ್ನಡೆಯಬೇಕು. ಜೀವನದಲ್ಲಿ ಗುರಿ ಇಟ್ಟುಕೊಂಡು ಮಾದರಿ ಆಯ್ಕೆ ಮಾಡಿಕೊಳ್ಳಬೇಕು. ನಿರಂತರ ಪರಿಶ್ರಮ, ಪ್ರಯತ್ನದಿಂದ ಸಾಧನೆ ಮಾಡಲು ಸಾಧ್ಯವಾಗುತ್ತದೆ. ಸರಳ ವ್ಯಕ್ತಿತ್ವ ರೂಢಿಸಿಕೊಳ್ಳಬೇಕು. ಹೇಳುವ ವಿಷಯ ನಿಖರ ನಿರಳರ್ಗವಾಗಿ ಹೇಳಬೇಕು ಎಂದರು.
ಸಾಧನಕರಿಂದ ಯಾರಿಗೂ ಏನು ಆಗಬೇಕಿಲ್ಲ. ಅವರ ಸಾಗಿ ಬಂದ ಹಾದಿ ಅವಲೋಕನ ನಡೆಸಿದಾಗ ನಮಗೆ ಸ್ಪಷ್ಟವಾದ ಬೆಳಕು ಸಿಗುತ್ತದೆ. ಈ ಹಿಂದೆ ನ್ಯಾಯವಾದಿಗಳು ಬಹಳಷ್ಟು ಸಿದ್ಧತೆ ಮಾಡಿಕೊಂಡು ಕೋರ್ಟಗೆ ಬರುತ್ತಿದ್ದರು. ಇಂದು ಕಡಿಮೆಯಾಗುತ್ತಿದೆ. ತಯಾರಿ ಪರಿಪಕ್ವವಾಗಿಲ್ಲ. ಯುವ ನ್ಯಾಯಾಶರ ಬಳಿಯು ಈ ಕೊರತೆ ಕಾಡುತ್ತಿದೆ. ಪರಿಣಾಮ ಈ ಹಿಂದೆ ನ್ಯಾಯಾಲಯದ ತೀರ್ಪುಗಳು ನಾಲ್ಕು, ಐದು ಸಾಲುಗಳು ಮುಗಿಯುತ್ತಿದ್ದವು. ಇಂದು ನಾಲ್ಕು ಐದು ಪುಟಗಳಿಗೆ ಬಂದು ನಿಂತಿವೆ. ಹೀಗಾಗಿ ನಾವೆಲ್ಲ ಮೇದಾವಿಗಳ ಜೀವನ ಅರ್ಥಮಾಡಿಕೊಳ್ಳಬೇಕಿದೆ ಎಂದು ಸಲಹೆ ನೀಡಿದರು.
