ಓದುವ ಹವ್ಯಾಸದಿಂದ ಯಶಸ್ಸು ಸಾಧ್ಯ

ಚಿಕ್ಕೋಡಿ: ವಿದ್ಯಾರ್ಥಿಗಳು ಮೊಬೈಲ್ ಬಳಕೆ ಕಡಿಮೆಗೊಳಿಸಿ, ಪುಸ್ತಕ ಓದುವ ಹವ್ಯಾಸ ಬೆಳೆಸಿಕೊಂಡರೆ ಜೀವನದಲ್ಲಿ ಯಶಸ್ಸು ಗಳಿಸಲು ಸಾಧ್ಯ ಎಂದು ಬೆಂಗಳೂರು ವಿಧಾನಸೌಧದ ಉಪವಿಭಾಗಾಧಿಕಾರಿ ಮಲಗೌಡ ಝಾರೆ ಹೇಳಿದರು.

ತಾಲೂಕಿನ ಕೆಎಲ್‌ಇ ಇಂಜಿನಿಯರಿಂಗ್ ಕಾಲೇಜಿನ ಎಂಬಿಎ ವಿಭಾಗದ ವತಿಯಿಂದ ಈಚೆಗೆ ಹಮ್ಮಿಕೊಂಡಿದ್ದ ಒಂದು ದಿನದ ಮ್ಯಾನೇಜ್‌ಮೆಂಟ್ ಸಮ್ಮೇಳನ ಅಶ್ವಮೇಧ ೨೦೨೫ಕ್ಕೆ ಚಾಲನೆ ನೀಡಿ ಮಾತನಾಡಿ, ಬಿ.ಕಾಂ, ಬಿಬಿಎ ಹಾಗೂ ಎಂಬಿಎ ಪದವೀಧರರಿಗೆ ಮೀಸಲಾಗಿರುವ ಸಾಕಷ್ಟು ಸರ್ಕಾರಿ ಹುದ್ದೆಗಳಿದ್ದು, ಅವುಗಳ ಸದ್ಬಳಕೆ ಮಾಡಿಕೊಳ್ಳಿ. ಜನಸೇವೆ ಕೈಗೊಳ್ಳಲು ಸರ್ಕಾರಿ ಕ್ಷೇತ್ರಗಳಲ್ಲಿ ಉನ್ನತ ಹುದ್ದೆ ಪಡೆದುಕೊಳ್ಳುವ ಗುರಿ ಹೊಂದಿರಿ ಎಂದರು.

ಡಾ.ಪ್ರಸಾದ ರಾಂಪುರೆ ಅಧ್ಯಕ್ಷತೆ ವಹಿಸಿದ್ದರು. ವಿವಿಧ ಜಿಲ್ಲೆಗಳಿಂದ ಸುಮಾರು ೨೦೦ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದರು.

ಕುಮಾರ ಚೌಗಲಾ, ಡಾ.ಜಗನ್ನಾಥ ಜಾಧವ, ಡಾ.ಮಹಾಂತಯ್ಯ ಮಠಪತಿ, ಡಾ.ಸಚಿನ ಮೆಕ್ಕಳಕಿ, ಡಾ.ಪ್ರವೀಣ ಪಾಟೀಲ, ಡಾ.ಸುರೇಶ ಕುಂಬಾರ, ಅನಿತಾ ಬಿರಾಜ, ಸರಸ್ವತಿ ಕುರಣಿ, ಕೀರ್ತಿ ಪಾಟೀಲ, ಆನಂದ ಹಿರೇಮಠ, ಅನಿಶಾ ಪಾಂಡಾ, ಸಂಜಯ ಹನಗಂಡಿ ಇತರರಿದ್ದರು.