ಒನ್ ವೇ ಬೇಡ, ಮೇಲ್ಸೇತುವೆ ಬೇಕು

ಕುಮಟಾ: ಸರ್ವೀಸ್ ರಸ್ತೆ ಕಾಮಗಾರಿ ಮುಗಿಯುವವರೆಗೂ ದಿವಗಿಯಲ್ಲಿ ಒನ್ ವೇ (ಏಕಮುಖ ಸಂಚಾರ) ಮಾಡಬಾರದು ಎಂದು ಜಿಲ್ಲಾಧಿಕಾರಿ ಡಾ. ಹರೀಶಕುಮಾರ ಕೆ. ಅವರಿಗೆ ದಿವಗಿ ಗ್ರಾಮಸ್ಥರು ಮನವಿ ಸಲ್ಲಿಸಿದರು.

ಶನಿವಾರ ಇಲ್ಲಿ ಜಿಲ್ಲಾಧಿಕಾರಿ ಭೇಟಿ ಮಾಡಿದ ಗ್ರಾಮಸ್ಥರು, ದಿವಗಿಯಲ್ಲಿ ರಾಷ್ಟ್ರೀಯ ಹೆದ್ದಾರಿ 63ರ ಚತುಷ್ಪಥ ನಿರ್ಮಾಣ ಕಾಮಗಾರಿಯ ಲೋಪದೋಷಗಳು ಹಾಗೂ ಅಪಾಯಕಾರಿ ಅಂಶಗಳನ್ನು ವಿವರಿಸಿದರು. ದಿವಗಿಯಲ್ಲಿ ಮೇಲ್ಸೇತುವೆ, ಸರ್ವೀಸ್ ರಸ್ತೆ ನಿರ್ವಣವಾಗಬೇಕು ಹಾಗೂ ಶಿರಸಿ ಮಾರ್ಗದ ತಿರುವಿನಲ್ಲಿ ಅಪಾಯ ತಗ್ಗಿಸುವ ಕೆಲಸವಾಗಬೇಕು ಎಂದು ಗ್ರಾಮಸ್ಥರು ಆಗ್ರಹಿಸಿದರು.

ಮನವಿಸ್ವೀಕರಿಸಿದ ಜಿಲ್ಲಾಧಿಕಾರಿ, ‘ಇಲ್ಲಿನ ಚತುಷ್ಪಥ ಕುರಿತ ಸಮಸ್ಯೆಯ ಬಗ್ಗೆ ಸರಿಯಾಗಿ ಅಭ್ಯಸಿಸುತ್ತೇನೆ. ಈ ಬಗ್ಗೆ ನಾವೆಲ್ಲರೂ ಕುಳಿತು ಮಾತನಾಡೋಣ. ಇದಕ್ಕಾಗಿ ರ್ಚಚಿಸಲು ಜ. 9ರಂದು ಜಿಲ್ಲಾಧಿಕಾರಿ ಕಚೇರಿಗೆ ಬನ್ನಿ’ ಎಂದು ಹೇಳಿದರು.

ಈ ವೇಳೆ ಜಿಪಂ ಸದಸ್ಯ ಗಜಾನನ ಪೈ, ಗ್ರಾಪಂ ಅಧ್ಯಕ್ಷ ಕೃಷ್ಣ ಗೌಡ, ಸದಸ್ಯರಾದ ಹೇಮಂತಕುಮಾರ ಗಾಂವ್ಕರ, ಶಂಕರ ಆರ್. ಅಂಬಿಗ, ವಿನಾಯಕ ಯು. ದೇಶಭಂಡಾರಿ ತಾಪಂ ಮಾಜಿ ಅಧ್ಯಕ್ಷ ಜಿ.ಜಿ. ಹೆಗಡೆ, ಮೈಕಲ್ ರೊಡ್ರಿಗೀಸ್, ಶಂಕರ ನಾಯ್ಕ, ಶ್ರೀಧರ ಬಗ್ಗೋಣ ಇನ್ನಿತರರು ಇದ್ದರು.