ಶಿಕಾರಿಪುರ: ಅಕಾಲಿಕ ಮಳೆಯ ಅಬ್ಬರಕ್ಕೆ ತಾಲೂಕಿನ ಬನ್ನೂರಿನಲ್ಲಿ ಮುನ್ನೂರಕ್ಕೂ ಅಕ ಚೀಲ ಭತ್ತ ನೀರುಪಾಲಾಗಿದೆ.
ಬನ್ನೂರಿನ 8 ರೈತರು ತಾವು ಬೆಳೆದ ಬೇಸಿಗೆ ಭತ್ತವನ್ನು ಕಟ್ಟಿನಹೊಳೆ ಕೆರೆಯಲ್ಲಿ ನೀರಿಲ್ಲದ ಕಾರಣ ಹಾಗೂ ಮಳೆ ವಾತವರಣ ಇಲ್ಲದಿದ್ದರಿಂದ ಭತ್ತ ಒಣಗಿಸಲು ಹಾಕಿದ್ದರು. ಲಾರಿಗಳು ಬಂದಾಗ ಬೇಗ ಸಾಗಿಸಲು ಅನುಕೂಲವಾಗುವುದು ಎಂಬ ಕಾರಣಕ್ಕೆ ಒಣ ಹಾಕಲಾಗಿತ್ತು. ಆದರೆ ಗುರುವಾರ ರಾತ್ರಿ ಸುರಿದ ಭಾರಿ ಮಳೆಗೆ ಮತ್ತು ಎರೆಕೊಪ್ಪ ಕೆರೆ ಒಡೆದ ಪರಿಣಾಮ ನೀರು ನುಗ್ಗಿ ಕೆರೆ ಭರ್ತಿಯಾಗಿ ರಭಸವಾಗಿ ಹರಿಯಲು ಪ್ರಾರಂಭಿಸಿದೆ. ಇದರಿಂದ ರೈತರು ಹಾಕಿದ್ದ ಭತ್ತ ಸಾಕಷ್ಟು ಪ್ರಮಾಣದಲ್ಲಿ ಕೊಚ್ಚಿ ಹೋಗಿದೆ.
ರೈತರು ಶುಕ್ರವಾರ ಬೆಳಗ್ಗೆ ಭತ್ತ ತುಂಬಲು ಟ್ರಾಕ್ಟರ್ ತಂದಾಗ ಒಬ್ಬೊಬ್ಬರಿಗೆ ಮೂರ್ನಾಲ್ಕು ಚೀಲದಷ್ಟು ತೊಯ್ದ ಭತ್ತ ದೊರಕಿದೆ. ರೈತರು ಎಷ್ಟೇ ಪ್ರಯತ್ನಿಸಿದರೂ ಬೆಳೆದ ಭತ್ತವನ್ನು ಉಳಿಸಿಕೊಳ್ಳಲಾಗಿಲ್ಲ. ರೈತರಾದ ಅನಂತ, ಅರುಣ, ಮಂಜಪ್ಪ, ಶಿವಪ್ಪ, ದುರ್ಗಪ್ಪ, ಚನ್ನಪ್ಪ, ಪ್ರೇಮಕುಮಾರ್, ರಾಧಮ್ಮ ಎಂಬ ಎಂಟು ಜನ ರೈತರು ನಷ್ಟಕ್ಕೆ ಒಳಗಾಗಿದ್ದಾರೆ.
