ಯೋಜನೆ ಕುರಿತು ಕರ್ನಾಟಕ ನೀರಾವರಿ ನಿಗಮ ನಿಯಮಿತದ ಬೆಳಗಾವಿಯ ಮುಖ್ಯ ಇಂಜಿನಿಯರ್ ರಾಜೇಶ ಅವರನ್ನು ಭೇಟಿ ಮಾಡಿ, ಯೋಜನೆಯನ್ನು ಯಶಸ್ವಿಯಾಗಿ ಕಾರ್ಯಗತಗೊಳಿಸುವ ಕುರಿತು ಕವಟಗಿಮಠ ಅವರು ವಿವರವಾಗಿ ಚರ್ಚಿಸಿ, ಸೂಕ್ತ ಸಲಹೆ ಸೂಚನೆ ನೀಡಿದ್ದಾರೆ. ಚಿಕ್ಕೋಡಿ ತಾಲೂಕಿನ ಚಿಂಚಣಿ, ಕುಪ್ಪಾನವಾಡಿ, ಕೋಥಳಿ, ನವಲಿಹಾಳ, ಕುಠಾಳಿ, ಹಂದ್ಯಾನವಾಡಿ, ನಾಯಿಂಗ್ಲಜ್, ಧುಳಗನವಾಡಿ, ಯಾದ್ಯಾನವಾಡಿ, ವಾಳಕಿ, ಪಟ್ಟಣಕುಡಿ, ರಾಮಪೂರ, ಅದುಲಝರಿ, ಗವಾನ, ಗಿರಗಾಂದ ಪೀರವಾಡಿ ಹಾಗೂ ಬಡಕಲಾಟ, ಸಂಕನವಾಡಿ, ತಪಕರವಾಡಿ, ಶಿರಗಾಂವ ಗ್ರಾಮಗಳು, ಚಿಕ್ಕೋಡಿ ಉಪ ಕಾಲುವೆಯಲ್ಲಿ ಸೇರ್ಪಡೆಯಾಗದೆ ಬಾಕಿ ಉಳಿದಿರುವ 17 ಗ್ರಾಮಗಳ ಸುಮಾರು 15,400 ಎಕರೆಗಳಷ್ಟು ಜಮೀನಿಗೆ ಶ್ರೀಮಹಾಲಕ್ಷ್ಮೀ ಏತ ನೀರಾವರಿ ಮೂಲಕ ನೀರಾವರಿ ಸೌಲಭ್ಯ ಕಲ್ಪಿಸುವಲ್ಲಿ ಮುಖ್ಯಮಂತ್ರಿ ಅವರು ಆಸಕ್ತಿ ವಹಿಸಿ, ಅನುದಾನ ಬಿಡುಗಡೆಗೊಳಿಸಿದ್ದು, ಚಿಕ್ಕೋಡಿ ತಾಲೂಕಿನ ರೈತರಿಗೆ ಸಂತಸ ತಂದಿದೆ ಎಂದು ಕವಟಗಿಮಠ ತಿಳಿಸಿದ್ದಾರೆ.
