ಪ್ರತಿ ವರ್ಷದಂತೆ ಈ ಬಾರಿ ಎಲ್ಲ ಗಣೇಶ ಮಂಡಳಗಳು ಬೇರೆ ಬೇರೆ ವಾದ್ಯ ಮೇಳಗಳೊಂದಿಗೆ ಮೆರವಣಿಗೆ ಮಾಡದೆ, ಎಲ್ಲ ಗಣೇಶ ಮಂಡಳಗಳ ಒಪ್ಪಿಗೆ ಮೇರೆಗೆ ಒಂದೇ ಸೌಂಡ್ ಹಚ್ಚಿ ವಿಸರ್ಜನೆ ಮೆರವಣಿಗೆ ಶಾಂತಿಯುತವಾಗಿ ಜರುಗಿತು.
ಸಂಜೆ 4ಕ್ಕೆ ಬಸ್ ನಿಲ್ದಾಣದ ಹತ್ತಿರ ಆಗಮಿಸಿದ ಮಹಿಳೆಯರು ತಲೆ ಮೇಲೆ ಪೇಟಾ ಧರಿಸಿ ಸಂಗೀತಕ್ಕೆ ಕುಪ್ಪಳಿಸುತ್ತ, ಗಣೇಶಗೆ ಜೈಕಾರ ಹಾಕಿದರು. ಚಿಕ್ಕೋಡಿ ಜಗದ್ಗುರು ಸಂಪಾದನಾ ಚರಮೂರ್ತಿ ಮಠದ ಸಂಪಾದನಾ ಸ್ವಾಮೀಜಿ ಗಣೇಶ ವಿಸರ್ಜನೆ ಶೋಭಾಯಾತ್ರೆಗೆ ಚಾಲನೆ ನೀಡಿದರು. ಕರ್ನಾಟಕ ಸಹಕಾರ ಮಹಾಮಂಡಳದ ಉಪಾಧ್ಯಕ್ಷ ಜಗದೀಶ ಕವಟಗಿಮಠ, ಪುರಸಭೆ ಅಧ್ಯಕ್ಷ ಪ್ರವೀಣ ಕಾಂಬಳೆ, ಉಪಾಧ್ಯಕ್ಷ ಸಂಜಯ ಕವಟಗಿಮಠ, ಸದಸ್ಯರಾದ ನಾಗರಾಜ ಮೇದಾರ, ವಿಶ್ವನಾಥ ಕಾಮಗೌಡ, ಮುಖಂಡರಾದ ಶಿವು ಮಿರ್ಜೆ, ಬಾಬು ಮಿರ್ಜೆ, ಅಂದಾನಿ ವಂಟಮುತ್ತೆ, ಸತೀಶ ನೂಲಿ ಇತರರಿದ್ದರು.
