ಯೋಗ ಎಂಬುದು ಶರೀರ ಮತ್ತು ಮನಸ್ಸನ್ನು ಒಗ್ಗೂಡಿಸಿ ಒಂದನ್ನೊಂದು ಬೆಸೆಯುವ ವಿಜ್ಞಾನವಾಗಿದೆ. ನಮ್ಮ ಶರೀರ ಹಾಗೂ ಮನಸ್ಸುಗಳು ಒಂದು ನಾಣ್ಯದ ಎರಡು ಮುಖಗಳಂತಿದ್ದು ಅವೆರಡನ್ನು ಕೇಂದ್ರೀಕರಿಸಿ ಏಕಾಗ್ರತೆಯ ಕಡೆಗೆ ಒಯ್ಯುವಲ್ಲಿ ಯೋಗದ ಪಾತ್ರ ಮಹತ್ವದ್ದಾಗಿದೆ. ಪ್ರತಿಯೊಬ್ಬರು ಜೀವನದಲ್ಲಿ ಶಾಂತಿ, ನೆಮ್ಮದಿ, ಉತ್ತಮ ಆರೋಗ್ಯ, ಯಶಸ್ಸು ಹಾಗೂ ಮನೋಲ್ಲಾಸಗಳೆಲ್ಲವೂ ಕೈಗೂಡಬೇಕೆಂದರೆ ಯೋಗದ ಅಭ್ಯಾಸ ಮಾಡುವುದು ಇಂದಿನ ಒತ್ತಡದ ಬದುಕಿನಲ್ಲಿ ಅತ್ಯಾಪ್ತವೆನಿಸುತ್ತದೆ. ಮಕ್ಕಳಾದ ನೀವೆಲ್ಲರೂ ಎಳೆಯ ವಯಸ್ಸಿನಿಂದಲೇ ಯೋಗವನ್ನು ರೂಢಿಸಿಕೊಳ್ಳುವುದರಿಂದ ಮನೋದೈಹಿಕ ಕೌಶಲ ವೃದ್ಧಿಗೆ ಸಹಕಾರಿಯಾಗಿ ವಿದ್ಯಾರ್ಜನೆಯಲ್ಲಿ ಗಮನಾರ್ಹ ಸಾಧನೆ ಮಾಡಬಹುದೆಂದು ತಿಳಿಸಿಕೊಟ್ಟರು.
