ಗೌರಿಬಿದನೂರು ಎಪಿಎಂಸಿ ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಸ್ಥಾನಕ್ಕೆ ಜೂ. 2, ಚಿಕ್ಕಬಳ್ಳಾಪುರ ಮತ್ತು ಶಿಡ್ಲಘಟ್ಟ ಎಪಿಎಂಸಿ ಸ್ಥಾನಕ್ಕೆ ಜೂ.5, ಮತ್ತು ಚಿಂತಾಮಣಿ ಎಪಿಎಂಸಿ ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಸ್ಥಾನಕ್ಕೆ ಜೂ.10 ರಂದು ಚುನಾವಣೆ ನಡೆಯಲಿದೆ. ಬಾಗೇಪಲ್ಲಿ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರ ಆಯ್ಕೆಗೆ ಚುನಾವಣೆ ದಿನಾಂಕ ನಿಗದಿಯಾಗಬೇಕಾಗಿದೆ ಎಂದು ಎಪಿಎಂಸಿ ಕಾರ್ಯದರ್ಶಿ ರಾಮದಾಸು ತಿಳಿಸಿದ್ದಾರೆ. ಎಪಿಎಂಸಿ ಆಡಳಿತಾವಧಿಯು 5 ವರ್ಷ. ಈಗಾಗಲೇ ತಲಾ 20 ತಿಂಗಳ ಅಧಿಕಾರ ಹಂಚಿಕೆ ಸೂತ್ರದಲ್ಲಿ ಎರಡು ಹಂತದ ಅವಧಿ ಮುಗಿಸಲಾಗಿದೆ. ಇನ್ನು ಕೊನೇ ಹಂತದಲ್ಲಾದರೂ ಆಡಳಿತ ಚುಕ್ಕಾಣಿ ಹಿಡಿಯಲು ಸದಸ್ಯರು ಕಸರತ್ತಿಗೆ ಮುಂದಾಗಿದ್ದಾರೆ.
