ತಾಲೂಕಿನ ಆದ್ರಳ್ಳಿ, ಅಕ್ಕಿಗುಂದ, ನೆಲೂಗಲ್, ದೇವಿಹಾಳ, ನಾದಿಗಟ್ಟಿ ಗುಡ್ಡದ ಸೆರಗಿನಲ್ಲಿ ಇರುವ ಕ್ರಷರ್ಗಳಿಂದ ಇತ್ತೀಚಿನ ವರ್ಷಗಳಲ್ಲಿ ಎಂ ಸ್ಯಾಂಡ್, ಜಲ್ಲಿಕಲ್ಲು, ಖಡಿ ಸೇರಿ ಕಲ್ಲಿನ ಉತ್ಪನ್ನಗಳು ಹಗಲು-ರಾತ್ರಿ ಸಾಗಾಟವಾಗುತ್ತಿವೆ. ಓವರ್ ಲೋಡ್, ಓವರ್ ಸ್ಪೀಡ್ ಸೇರಿ ಕಾನೂನಿನ ಮಿತಿ ಮೀರಿ ಸಂಚರಿಸುವ ಇವುಗಳ ಅಬ್ಬರಕ್ಕೆ ಜನ ಹೈರಾಣಾಗಿದ್ದಾರೆ. ಆದರೆ, ಕಳೆದ 1 ತಿಂಗಳಿಂದ ಲಾಕ್ಡೌನ್ ಘೊಷಣೆಯಾದಾಗಿನಿಂದ ಇವುಗಳ ಅಬ್ಬರ ನಿಂತಿದ್ದು ಜನ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದರು. ವಿನಾಯಿತಿ ಮತ್ತು ಬಹು ಬೇಡಿಕೆ ಹಿನ್ನೆಲೆಯಲ್ಲಿ ಕಳೆದ 2 ದಿನಗಳಿಂದ ಕ್ರಷರ್ಗಳ ಕಾರ್ಯ, ಎಂ ಸ್ಯಾಂಡ್ ಸಾಗಿಸುವ ಟಿಪ್ಪರ್ಗಳ ಸಂಚಾರದ ಅಬ್ಬರ ಪ್ರಾರಂಭವಾಗಿರುವುದು ಜನತೆಯ ನೆಮ್ಮದಿ ಕದಡಿವೆ.
