ಸ್ಪರ್ಧಿಗಳಿಗೆ ಮಾರ್ಗ ಮಧ್ಯದಲ್ಲಿ ಕುಡಿಯುವ ನೀರು, ಬಾಳೆಹಣ್ಣು, ಶೇಂಗಾ ಚಿಕ್ಕಿ ವ್ಯವಸ್ಥೆ ಮಾಡಲಾಗಿತ್ತು. ಆಂಬುಲೆನ್ಸ್, ಸೈಕಲ್ ಅಸಿಸ್ಟಂಟ್, ಸ್ವಯಂಸೇವಕರನ್ನು ನಿಯೋಜಿಸಲಾಗಿತ್ತು. ಹಾಫ್ ಮ್ಯಾರಥಾನ್ ಆರಂಭಕ್ಕೆ ಮುನ್ನ ಡಿಜೆ ಸೌಂಡ್ಗೆ ಬಹಳಷ್ಟು ಜನರು ನೃತ್ಯ ಮಾಡಿದರು. ಯಕ್ಷಗಾನ ಮೇಳವು ‘ಕಾಂತಾರ’ ಚಲನಚಿತ್ರದ ಹಾಡೊಂದಕ್ಕೆ ನೃತ್ಯ ಮಾಡಿದಾಗ ನೆರೆದವರು ಜಯಘೊಷ ಮೊಳಗಿಸಿದರು. ಡೊಳ್ಳು ಕುಣಿತ, ಗೊಂಬೆ ಕುಣಿತ, ಮಲ್ಲಕಂಬ ಆಕರ್ಷಣೆ ನೀಡಿದವು. ಡಾ. ಅರ್ಪಿತಾ ನಾಡಗೌಡ, ಡಾ. ವಿಜೇತ ಹಳಪೇಟ ನಿರೂಪಿಸಿದ್ದಲ್ಲದೆ, ಭಾಗವಹಿಸಿದ್ದ ಸ್ಪರ್ಧಿಗಳಿಗೆ ಹುರುಪು ಮೂಡಿಸಿದರು. ಉದ್ಯಮಿಗಳಾದ ನಿಖಿತ್ ಸಿಖಾನಿಯಾ, ವಿಶ್ವನಾಥ ಸೋಮಾಪುರ, ಆರ್ಜೆ ಅಂಕಿತಾ, ಆರ್ಜೆ ಶಾರುಖ್ ಇತರರು ಇದ್ದರು.
