ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಸತೀಶ್ ಅವರು, ಹಾಸನ ನಗರಸಭೆ ವ್ಯಾಪ್ತಿಯಲ್ಲಿ 6 ಆರ್ಆರ್ಆರ್ ಕೇಂದ್ರಗಳನ್ನು ಸ್ಥಾಪಿಸಿ, ತ್ಯಾಜ್ಯ ಸಂಗ್ರಹಣೆ ಮಾಡಲಾಗಿದೆ. ರೆಡ್ಯೂಸ್, ರೀಯೂಸ್, ರಿಸೈಕಲ್ ಎಂಬ ಶೀರ್ಷಿಕೆ ಅಡಿ ಕುಟುಂಬಗಳಿಂದ, ಅಂಗಡಿ ಮುಂಗಟ್ಟುಗಳಿಂದ ಹಳೆ ಬಟ್ಟೆ, ಪ್ಲಾಸ್ಟಿಕ್ ವಸ್ತುಗಳು, ಪುಸ್ತಕಗಳನ್ನು ಸ್ವೀಕರಿಸಿ, ಮರು ಬಳಕೆಗೆ ಯೋಗ್ಯ ಇರುವಂತಹ ವಸ್ತುಗಳನ್ನು ಅನಾಥ ಆಶ್ರಮ, ಆಟಿಕೆ - ಪುಸ್ತಕಗಳನ್ನು ಬಾಲ ಮಂದಿರ ಮತ್ತು ಗ್ರಂಥಾಲಯಗಳಿಗೆ ನೀಡಲಾಯಿತು. ರೀ ಸೈಕಲಿಂಗ್ ಮಾಡಬಹುದಾದ ವಸ್ತುಗಳನ್ನು ಶೇಖರಿಸಿ ಇಡಲಾಗಿದೆ. ರಾಜ್ಯದ 59 ನಗರಸಭೆಗಳ ಪೈಕಿ ಹಾಸನ ನಗರಸಭೆ ಅತ್ಯುತ್ತಮವಾಗಿ ಕೆಲಸ ನಿರ್ವಹಿಸಿದಕ್ಕೆ ಉತ್ತಮ ಆರ್ಆರ್ಆರ್ ನಗರ ಪ್ರಶಸ್ತಿ ಲಭಿಸಿದೆ ಎಂದು ಹೇಳಿದರು.
