ಆಹಾರ ಮೇಳಕ್ಕೆ 20 ರೂ, ಪ್ರವೇಶ ದರ ನಿಗದಿ ಮಾಡಿದ್ದರು, ಯಾವುದನ್ನು ಲೆಕ್ಕಿಸದೇ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಕುಟುಂಬ ಸಮೇತರಾಗಿ ಲಗ್ಗೆ ಇಟ್ಟರು. ಆಹಾರ ಮೇಳದಲ್ಲಿ ಬೆಂಗಳೂರು ಪುಳಿಯೋಗರೆ, ಮಕಾವ್ ಫುಡ್ ಫಾರೆಸ್ಟ್, ಮುಂಬೈ ಚಾಯ್, ರೋಟಿ ಘರ್, ಕೆಎ-೧೦ ಕಾಫಿ ಹೌಸ್, ಗುರು ದೋಸೆ ಪಾಯಿಂಟ್, ವಾಸವಿ ಚಾಟ್ಸ್, ನಂದೂಸ್ ಫುಡ್ ಹಾಗೂ ಇನ್ನಿತರೆ ಮಳಿಗೆಗಳಿಗೆ ತೆರಳಿದ ಜನರು ವಿವಿಧ ಬಗೆಯ ಆಹಾರ ಪದಾರ್ಥಗಳ ರುಚಿ ಸವಿದರು.ನಂಬಿಕೆ ಸಿರಿಧಾನ್ಯಗಳ ಆಹಾರ ಮಳಿಗೆಗೆ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭೇಟಿ ನೀಡಿ ಸಿರಿಧಾನ್ಯಗಳಿಂದ ತಯಾರಾದ ಬಾದಾಮಿ ಹಾಲು ರುಚಿ ಸವಿದರು. ನಂದಿನಿ ಮಳಿಗೆಗೆ ತೆರಳಿ ವಿವಿಧ ಬಗೆಯ ತಿನಿಸುಗಳನ್ನು ಖರೀದಿ ಮಾಡಿದರು. ಬಳಿಕ ರೋಟರಿ ಸಿಲ್ಕ್ ಸಿಟಿಯ ಮಳಿಗೆಗೆ ತೆರಳಿ ಮಾಹಿತಿ ಪಡೆದುಕೊಂಡರು.
