ಮಂಗಳವಾರ ದೆಹಲಿಯ ರಾಷ್ಟ್ರಪತಿ ಭವನದಲ್ಲಿ ರಾಷ್ಟ್ರಪತಿ ಹಾಗೂ ಬುಡಕಟ್ಟು ಕೇಂದ್ರ ಸಚಿವ ಅರ್ಜುನ್ ಮುಂಡಾರ್ ಅವರೊಂದಿಗೆ ಆಯೋಜಿಸಿದ್ದ ಸಂವಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಮೈಸೂರು ಜಿಲ್ಲೆಯ ಕೊರಗ ಮತ್ತು ಜೇನು ಕುರುಬ ಸಮುದಾಯದ ಮುಖಂಡರು ಹಕ್ಕೊತ್ತಾಯ ಮಂಡಿಸಿದರು.
ಕೆಲವು ಹಕ್ಕು ಒತ್ತಾಯಗಳು ಜಾರಿಯಾಗದ ಹೊರತು ಈ ಎರಡು ಬುಟಕಟ್ಟು ಸಮುದಾಯಗಳು ಉನ್ನತಿಯಾಗಲು ಅಸಾಧ್ಯವಾಗಿದೆ. ನಾವು ಈ ನೆಲದ ಮೂಲನಿವಾಸಿಗಳು, ಈ ನೆಲ-ಜಲ, ಕಾಡು ನಮ್ಮ ಜನ್ಮಸಿದ್ಧ ಹಕ್ಕು. ಪಿವಿಟಿಜಿ ವರ್ಗಕ್ಕೆ ಕೇಂದ್ರ ಸರ್ಕಾರವು ಅನೇಕ ಯೋಜನೆಗಳನ್ನು ರೂಪಿಸಿದೆ. ಇದರಲ್ಲಿ ಕುಡಿಯುವ ನೀರು, ಮನೆ, ರಸ್ತೆ, ವಿದ್ಯುತ್, ಆಹಾರ ಇಂತಹ ಸೌಲಭ್ಯಗಳು ಬದುಕುವುದಕ್ಕಾಗಿ ಮಾತ್ರ ಸಿಗುತ್ತಿವೆ. ಇನ್ನು ಹಲವು ಮೂಲಸೌಲಭ್ಯ ಪಡೆದುಕೊಳ್ಳಲು ಕೆಲವು ಮುಖ್ಯ ಕಾರ್ಯ ಯೋಜನೆಗಳು ಜಾರಿಗೊಳ್ಳಬೇಕು ಎಂದು ಮುಖಂಡರು ಒತ್ತಾಯಿಸಿದರು.
