2017-18ನೇ ಸಾಲಿನಲ್ಲಿ 10 ಕೋಟಿ ರೂ., 2018-19ನೇ ಸಾಲಿಗೆ 15 ಕೋಟಿ ರೂ., ಹಾಗೂ 2020-21ನೇ ಸಾಲಿಗೆ 15 ಕೋಟಿ ರೂ., ಒಟ್ಟು 40 ಕೋಟಿ ರೂಪಾಯಿ ಬಿಡುಗಡೆ ಮಾಡಲು ಸರ್ಕಾರದ ಅನುಮೋದನೆ ಕೋರಲಾಗಿತ್ತು. 4 ವರ್ಷಗಳಾದರೂ ಈವರೆಗೆ ನಯಾಪೈಸೆ ಬಿಡುಗಡೆ ಮಾಡಿಲ್ಲ. ಈ ಹಿಂದೆ ಆರಂಭದಲ್ಲಿ ವಿವಿ ಆಂತರಿಕ ಸಂಪನ್ಮೂಲದಿಂದ 12 ಕೋಟಿ ರೂಪಾಯಿಯನ್ನು ರೈಟ್ಸ್ ಸಂಸ್ಥೆಗೆ ಬಿಡುಗಡೆ ಮಾಡಲಾಗಿದ್ದು, 4 ವರ್ಷಗಳಿಂದ ಕಾಮಗಾರಿ ಪ್ರಗತಿಯಲ್ಲಿರುವುದರಿಂದ ಗುತ್ತಿಗೆದಾರರು 14 ಕೋಟಿ ಹಣ ಬಿಡುಗಡೆಗೆ ಕೋರಿದ್ದಾರೆ. ಕಳೆದೆರಡು ವರ್ಷಗಳಿಂದ ಕರೊನಾ ನೆಪವೊಡ್ಡಿ ಸರ್ಕಾರದಿಂದ ಯಾವುದೇ ಅನುದಾನವೂ ಬಂದಿಲ್ಲದ ಕಾರಣ ಅನಿವಾರ್ಯವಾಗಿ ಆಂತರಿಕ ಸಂಪನ್ಮೂಲವೆಂಬ ವಿವಾದದ ಜೇನುಗೂಡಿಗೆ ಆಡಳಿತ ಮಂಡಳಿ ಮತ್ತೆ ಕೈಯಿಟ್ಟಿದೆ.
