ಜೆಎಸ್ಎಸ್ ಮಹಾವಿದ್ಯಾಪೀಠದ ತಾಂತ್ರಿಕ ಶಿಕ್ಷಣ ವಿಭಾಗದ ಜಂಟಿ ನಿರ್ದೇಶಕ ಡಾ.ಎಚ್.ಆರ್.ಮಹದೇವಸ್ವಾಮಿ ಮಾತನಾಡಿ, ವಿಶ್ಲೇಷಣಾತ್ಮಕ ಮತ್ತು ಸಮಸ್ಯೆಗಳಿಗೆ ಪರಿಹಾರಾತ್ಮಕ ಗುಣ, ಸಾಮರ್ಥ್ಯ, ಜ್ಞಾನ, ನಿರಂತರ ಕಲಿಕೆ, ಕ್ರಿಯಾಶೀಲತೆ ಪ್ರತಿಯೊಬ್ಬ ವ್ಯಕ್ತಿಯನ್ನೂ ಜೀನಿಯಸ್ ಮಾಡುತ್ತದೆ ಎಂದರು.
ವೈದ್ಯ, ಇಂಜಿನಿಯರಿಂಗ್, ಸಮಾಜ ಸೇವಕ, ಸರ್ಕಾರಿ ಸೇವಕ ಹೀಗೆ ಯಾವುದೇ ವೃತ್ತಿಯಲ್ಲಿದ್ದರೂ ಸಮಾಜ ಮತ್ತು ಜನಸೇವೆಯನ್ನು ಮಾಡಬೇಕು. ಯಾವುದೇ ಸ್ಪರ್ಧೆಯಲ್ಲಿ ಸೋಲು-ಗೆಲುವು ಮುಖ್ಯವಲ್ಲ. ಪಾಲ್ಗೊಳ್ಳುವಿಕೆಯೇ ಮುಖ್ಯವಾಗಿರುತ್ತದೆ. ಇದರಿಂದ ಹೊಸತನ ಕಲಿಕೆ ಸಾಧ್ಯವಾಗಲಿದೆ ಎಂದರು.
8ರಿಂದ 12ನೇ ತರಗತಿವರೆಗೆ ನಡೆದ ಕ್ವಿಜ್ ಸ್ಪರ್ಧೆಯಲ್ಲಿ ಮೈಸೂರು ವಿಭಾಗ ಮಟ್ಟದ 150 ಶಾಲೆಗಳ ಅಂದಾಜು 1 ಸಾವಿರ ವಿದ್ಯಾರ್ಥಿಗಳು ಭಾಗಿಯಾಗಿದ್ದರು. ವಿಜೇತರು ಮುಂಬೈನಲ್ಲಿ ನಡೆಯುವ ರಾಷ್ಟ್ರ ಮಟ್ಟದ ಸ್ಪರ್ಧೆಗೆ ಅರ್ಹರಾಗುತ್ತಾರೆ. ಯೂನಿಯನ್ ಬ್ಯಾಂಕ್ನ ಬೆಂಗಳೂರು ವಲಯದ ಜನರಲ್ ಮ್ಯಾನೇಜರ್ ಸತ್ಯಬೇನ್ ಬೆಹ್ರಾ, ಡಿಜಿಎಂ ರವೀಶ್ ನಾಯಕ್, ಮೈಸೂರು ಪ್ರಾದೇಶಿಕ ಕಚೇರಿಯ ಎಜಿಎಂ ವಿಶ್ವಲತಾ, ಹಾಸನದ ಎಜಿಎಂ ಶ್ರೀನಿವಾಸ್ಮೂರ್ತಿ, ಡಿಜಿಎಂ ಎ.ರಾಜಮಣಿ ಇನ್ನಿತರರಿದ್ದರು.
