ಈ ಸಂಬಂಧ ಮಾ.14 ರಂದು ಯುವತಿ ಮಹಿಳಾ ಠಾಣೆಗೆ ದೂರು ನೀಡಿದ್ದಳು. ಈ ವೇಳೆ ಪೊಲೀಸರೊಂದಿಗೆ ಆಕೆಯನ್ನು ಮದುವೆಯಾಗುತ್ತೇನೆ ಎಂದು ಹೇಳಿಕೆ ನೀಡಿ, ನಗರದ ಶ್ರೀವೀರಭದ್ರಸ್ವಾಮಿ ದೇವಸ್ಥಾನದಲ್ಲಿ ಯುವತಿಗೆ ತಾಳಿ ಕಟ್ಟಿದ್ದನು. ಯುವತಿಯ ಮನೆಗೂ ಹೋಗಿ ಕುಟುಂಬದವರ ಮುಂದೆಯೂ ಯುವತಿಯನ್ನು ನೋಂದಣಿ ಮ್ಯಾರೇಜ್ ಮಾಡಿಕೊಳ್ಳುತ್ತೇನೆ ಎಂದು ನಂಬಿಸಿ ಮನೆಗೆ ಬಿಟ್ಟುಹೋಗಿದ್ದನು. ನಂತರ ಯುವತಿ ಆತನಿಗೆ ಕರೆ ಮಾಡಿದಾಗ ನೀನು ಪರಿಶಿಷ್ಟ ಜಾತಿಯವಳಾಗಿದ್ದು, ನಿನ್ನನ್ನು ಮದುವೆಯಾಗುವುದಿಲ್ಲ ಎಂದು ಜಾತಿನಿಂದನೆ ಮಾಡಿದ್ದಾನೆ. ನಾನು ಇಲಾಖೆಯಲ್ಲಿದ್ದು, ನನ್ನನ್ನು ಏನೂ ಮಾಡಲು ಆಗುವುದಿಲ್ಲ. ನಿನ್ನ ಜತೆ ಬಾಳಬೇಕು ಎಂದರೆ 40 ಲಕ್ಷ ರೂ. ವರದಕ್ಷಿಣೆ ಕೊಡಬೇಕು, ಇಲ್ಲವಾದರೆ ಬಿಟ್ಟುಬಿಡುತ್ತೇನೆ ಎಂದು ಬೆದರಿಸಿದ್ದಾನೆ. ಒಂದು ವೇಳೆ ನನ್ನನ್ನು ಮದುವೆ ಮಾಡಿಕೊಳ್ಳಲು ಬಂದರೆ ನನಗೆ ಏನು ಮಾಡಬೇಕು ಎಂದು ಗೊತ್ತಿದೆ ಎಂದು ಬೆದರಿಸುತ್ತಿದ್ದು, ಬೇರೆ ಯುವತಿಯನ್ನು ಮದುವೆಯಾಗಲು ನಾಪತ್ತೆಯಾಗಿದ್ದಾನೆ. ಈತನ ವಿರುದ್ಧ ದೂರು ದಾಖಲಿಸಿಕೊಂಡು ನನಗೆ ನ್ಯಾಯ ದೊರಕಿಸಿಕೊಡಬೇಕು ಎಂದು ದೂರು ನೀಡಿದ್ದಾಳೆ.
