ನೇಪಾಳಕ್ಕೂ ಭೇಟಿ: ಮೊದಲಿಗೆ ಮಂತ್ರಾಲಯದ ರಾಯರ ದರ್ಶನ ಮಾಡಿ ತೀರ್ಥಯಾತ್ರೆ ಪ್ರಾರಂಭವಾಗಿದೆ. ಆ ನಂತರ ಅಯೋಧ್ಯೆಯಲ್ಲಿ ಬಾಲರಾಮನ ದರ್ಶನ ಮಾಡಿಕೊಂಡು, ಗಂಗಾನದಿಯಲ್ಲಿ ಸ್ನಾನ ಮಾಡಿಸಿ, ಮುಂದೆ ಕಾಶಿ, ಗಯಾ ಹಾಗೂ ನೇಪಾಳದ ಸಾಲಿಗ್ರಾಮಕ್ಕೆ ಭೇಟಿ ನೀಡುವ ಇರಾದೆ ಇದೆ ಎಂದು ಪೆರಮಗೊಂಡನಹಳ್ಳಿಯ ವಾಸುದೇವಾಚಾರ್ ತಿಳಿಸಿದ್ದಾರೆ.
ಬಸವನಿಗೆ ತರಬೇತಿ: ಅಯೋಧ್ಯೆಯ ಬಾಲರಾಮನ ದರ್ಶನಕ್ಕೆ ಸಾವಿರಾರು ಕಿ.ಮೀ ಕ್ರಮಿಸಬೇಕಿರುವುದರಿಂದ ಇದಕ್ಕಾಗಿಯೇ ಒಂದೂವರೆ ವರ್ಷದಿಂದ ಹನುಮಂತನಿಗೆ ವಾಹನದ ಪ್ರಯಾಣದ ಅನುಭವ ಮಾಡಿಸಲಾಗಿದೆ. ಇದಕ್ಕೂ ಮೊದಲು ಶಾಲಾ ವಾಹನಗಳಲ್ಲಿ ನೆರೆಯ ತಮಿಳುನಾಡು, ಕೇರಳ ಮತ್ತಿತರ ರಾಜ್ಯಗಳಿಗೆ ಹನುಮಂತನನ್ನು ಕರೆದೊಯ್ದು ಅಭ್ಯಾಸ ಮಾಡಿಸಲಾಗಿದೆ.
