ತಂಪು ಆಹಾರ ಸೇವನೆಗೆ ಒತ್ತು: ಮಳೆಗಾಲ, ಚಳಿಗಾಲದಲ್ಲಿ ಬಿಸಿಬಿಸಿ ಆಹಾರ ಪದಾರ್ಥಗಳ ಸೇವನೆಗೆ ಹೆಚ್ಚು ಒಲವು. ಹಾಗೆಯೇ ಬೇಸಿಗೆಯಲ್ಲಿ ತಂಪು ಪಾನಿಯ ಮತ್ತು ಆಹಾರಕ್ಕೆ ಒತ್ತು ಕೊಡಲಾಗುತ್ತಿದೆ. ಬಾಯಾರಿಕೆ ನೀಗಿಸಿಕೊಳ್ಳುವ ಸಲುವಾಗಿ ಜನರು ಕಲ್ಲಂಗಡಿ, ಕರಬೂಜ, ಕಬ್ಬಿನಹಾಲು, ಎಳನೀರು, ಐಸ್ ಕ್ರೀಮ್, ತಂಪು ಪಾನಿಯಗಳ ಮೊರೆ ಹೋಗಿದ್ದಾರೆ. ಚಿಕ್ಕಬಳ್ಳಾಪುರ ಜಿಲ್ಲಾ ಕೇಂದ್ರದ ಎಂ.ಜಿ.ರಸ್ತೆ, ಬಿ.ಬಿ.ರಸ್ತೆ, ಬಜಾರ್ ರಸ್ತೆಗಳಲ್ಲಿ ಜ್ಯೂಸ್, ಕಲ್ಲಂಗಡಿ ಹಣ್ಣಿನ ಅಂಗಡಿಗಳು ತಲೆ ಎತ್ತಿವೆ. ಮಧ್ಯಾಹ್ನಕ್ಕೆಲ್ಲ ಪೂರ್ತಿಯಾಗಿ ಎಳನೀರು ಮಾರಾಟವಾಗುತ್ತಿವೆ. ಇನ್ನೂ ಹಿಂದೆ ಬಹುತೇಕ ಖಾಲಿಯಾಗಿ ಇರುತ್ತಿದ್ದ ತಂಪು ಪಾನಿಯ, ಐಸ್ ಕ್ರೀಮ್ ಅಂಗಡಿಗಳಿಗೆ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಕಂಡು ಬರುತ್ತಿದ್ದಾರೆ.
