ಸತತ ಮಳೆ, ಗಾಳಿಗೆ ಈ ಕಂಬಗಳು ಮತ್ತಷ್ಟು ಬಾಗಿವೆ. ಅಲ್ಲದೆ, ಟಿಸಿ ಸುತ್ತಲೂ ರಕ್ಷಣಾತ್ಮಕ ವ್ಯವಸ್ಥೆ ಇಲ್ಲದ್ದರಿಂದ ಜನರು ಜೀವಭಯದಲ್ಲಿಯೇ ಸಂಚರಿಸುವಂತಾಗಿದೆ. ಈ ಕುರಿತು ಹೆಸ್ಕಾಂ ಅಧಿಕಾರಿಗಳಿಗೆ ಹಲವಾರು ಬಾರಿ ವಿನಂತಿಸಿದರೂ ಸ್ಪಂದಿಸುತ್ತಿಲ್ಲ. ಅವಘಡ ಸಂಭವಿಸಿದರೆ ಯಾರು ಹೊಣೆ? ಕಂಬಗಳನ್ನು ದುರಸ್ತಿಪಡಿಸಬೇಕು ಹಾಗೂ ಹಳೇ ಟಿಸಿಯನ್ನು ಬೇರೆಡೆ ಸ್ಥಳಾಂತರಿಸಬೇಕು ಎಂದು ನಿವಾಸಿಗಳಾದ ಬಸವರಾಜ ಪಲ್ಲೇದ, ಯಲ್ಲಪ್ಪ ಶಿರಗುಂಪಿ, ಭೀಮಪ್ಪ ಕಂಬಳಿ, ಯಲ್ಲಪ್ಪ ಹಿರೇಮನಿ, ಶಂಭು ಅವರಡ್ಡಿ, ಸಂಗಪ್ಪ ಕುಂಬಾರ, ರವಿ ಸಿದ್ನೆಕೊಪ್ಪ, ರಾಜು ಅವರಡ್ಡಿ, ವಿಜಯಕುಮಾರ ಇಟಗಿ, ಮಂಜುನಾಥ ಗುಜಮಾಗಡಿ, ಮಂಜುನಾಥ ನಾಯ್ಕರ ಆಗ್ರಹಿಸಿದ್ದಾರೆ.
