ತಿಪಟೂರು: ತಾಲೂಕಿನ ಮತ್ತಿಹಳ್ಳಿಯಲ್ಲಿ ಮುಖತೊಳೆಯಲು ನೀರಿಗಿಳಿದ ಯುವಕ ಮುಳುಗಿ ಮೃತಪಟ್ಟಿದ್ದಾನೆ. ಮತ್ತಿಹಳ್ಳಿ ಗ್ರಾಮದ ಕೆಂಪಮ್ಮ ಅವರ ಪುತ್ರ, ಗಾರೆ ಕೆಲಸ ಮಾಡಿಕೊಂಡಿದ್ದ ದಯಾನಂದ್(20) ಶನಿವಾರ ಸಂಜೆ ಗ್ರಾಮ ಸಮೀಪದ ಕಟ್ಟೆಯಲ್ಲಿ ಮುಖತೊಳೆಯಲು ಹೋಗಿದ್ದಾಗ ಅವಡ ಸಂಭವಸಿದೆ. ನಾಪತ್ತೆಯಾದ ದಯಾನಂದನಿಗಾಗಿ ಹುಡುಕಾಟ ನಡೆಸಲಾಗಿತ್ತು. ತಾಲೂಕು ಅಗ್ನಿಶಾಮಕ ದಳ ಮತ್ತು ತುಮಕೂರಿನಿಂದ ಬಂದಿದ್ದ ಅಗ್ನಿಶಾಮಕ ಸಿಬ್ಬಂದಿ ಸೋಮವಾರದವರೆಗೂ ಕಾರ್ಯಾಚರಣೆ ನಡೆಸಿದರೂ ಶವ ಪತ್ತೆಯಾಗದ ಹಿನ್ನೆಲೆಯಲ್ಲಿ ಮಂಗಳವಾರ ಮುಳುಗುತಜ್ಞ ಮಲ್ಪೆ ಈಶ್ವರ್ ಅವರನ್ನು ಕರೆಸಲಾಗಿತ್ತು. ಕಾರ್ಯಾಚರಣೆಯಲ್ಲಿ ಮಂಗಳವಾರ ದಯಾನಂದನ ಮೃತ ದೇಹ ಹೊರತೆಗೆಯಲಾಗಿದೆ. ಹೊನ್ನವಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಮೃತನಿಗೆ ತಾಯಿ ಮತ್ತು ತಮ್ಮ ಇದ್ದಾರೆ.
