ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ವ್ಯಾಪ್ತಿಯಲ್ಲಿರುವ ಪಂಚಾಯಿತಿಯಾದ್ದರಿಂದ ಸಿಎಸ್ಆರ್ ಅನುದಾನ ಹೆಚ್ಚಾಗಿಯೇ ಬರುತ್ತಿದೆ. ಶಾಲಾ ಕಟ್ಟಡ ನವೀಕರಣ, ಅಂಗನವಾಡಿ ನಿರ್ಮಾಣ, ಬೀದಿದೀಪ, ರಸ್ತೆ ಕಾಮಗಾರಿ, ಕೆರೆ ಹೂಳೆತ್ತುವುದು ಸೇರಿ ಇನ್ನಿತರ ಕಾಮಗಾರಿಗಳಿಗೆ ಸಿಎಸ್ಆರ್ ಅನುದಾನ ಬಳಸಲಾಗಿದೆ. ಆದರೆ ಪಂಚಾಯಿತಿಗೆ ಬಿಡುಗಡೆಯಾದ ಅನುದಾನ ಹಾಗೂ ಬರುತ್ತಿದ್ದ ವರಮಾನ ಎರಡೂ ಇಲ್ಲಿನ ಕೆಲ ಸಿಬ್ಬಂದಿ ಹಾಗೂ ಜನಪ್ರತಿನಿಧಿಗಳ ಜೇಬಿಗೆ ಸೇರುತ್ತಿತ್ತು ಎಂಬುದು ಜಿಪಂ ತನಿಖಾ ವರದಿಯಲ್ಲಿ ಮೇಲ್ನೋಟಕ್ಕೆ ಕಂಡುಬಂದಿದೆ. ಪಂಚಾಯಿತಿ ಅನುದಾನ ತಮಗೆ, ಸಿಎಸ್ಆರ್ ಂಡ್ ಅಭಿವೃದ್ಧಿಗೆ ಎಂಬಂತೆ ವರ್ಷಗಳಿಂದ ಪಂಚಾಯಿತಿಯಲ್ಲಿ ಹಣ ಬಾಚಿಕೊಳ್ಳಲಾಗಿದೆ ಎಂಬ ಆರೋಪ ಕೇಳಿಬರುತ್ತಿದೆ.
