ಜಿಲ್ಲೆಯಲ್ಲಿ ಈಗಾಗಲೇ ಕಾನೂನು ಪರಿಪಾಲನೆ ಮಾಡದವರ ಮೇಲೆ 49 ಪ್ರಕರಣಗಳನ್ನು ದಾಖಲಿಸಲಾಗಿದೆ. 6,000 ರೂ. ದಂಡ ವಸೂಲಿ, 110 ಸೆಕ್ಷನ್ ಅಡಿಯಲ್ಲಿ ಎರಡು, ಒಂದು ಗೆಂಬ್ಲಿಂಗ್ ಹಾಗೂ ಒಂದು ಅಬಕಾರಿ ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ಜಿಲ್ಲಾದ್ಯಂತ ಪೊಲೀಸ್ ಇಲಾಖೆಯ ಎಲ್ಲ ಅಧಿಕಾರಿಗಳು ಹಗಲಿರುಳು ಗಸ್ತು ತಿರುಗುತ್ತಿದ್ದೇವೆ. ತಪ್ಪಿತಸ್ತರು ಕಂಡಲ್ಲಿ ನಿರ್ದಾಕ್ಷಿಣ್ಯವಾಗಿ ಪ್ರಕರಣ ದಾಖಲಿಸುವುದು ಮತ್ತು ಬಳಸಿರುವ ವಾಹನಗಳನ್ನು ಜಪ್ತಿ ಮಾಡುವಂತೆ ಸೂಚಿಸಲಾಗಿದೆ. ಹೀಗಾಗಿ ಯಾರೂ ಮನೆಯಿಂದ ಹೊರಗಡೆ ಬಾರದೇ ಸರ್ಕಾರದ ಆದೇಶವನ್ನು ಶಿರಸಾವಹಿಸಿ ಪಾಲಿಸಬೇಕು ಎಂದು ವರ್ತಿಕಾ ಕಟಿಯಾರ್ ವಿನಂತಿಸಿದರು. ಜಿಲ್ಲಾ ಉಪ ಪೊಲೀಸ್ ವರಿಷ್ಠಾಧಿಕಾರಿ ರವಿ ನಾಯ್ಕ, ಸಿಪಿಐ ವಿಜಯ ಬಿರಾದಾರ, ಎಂ.ಎಫ್. ಕಟ್ಟೇಗೌಡರ, ಚೆಕ್ಪೋಸ್ಟ್ ಹಾಗೂ ಪೊಲೀಸ್ ಸಿಬ್ಬಂದಿ ಇದ್ದರು.
