ಹನೂರು : ತಾಲೂಕಿನ ಮಲೆಮಹದೇಶ್ವರ ಬೆಟ್ಟ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಶನಿವಾರ ಅಕ್ರಮ ಮದ್ಯ ಮಾರಾಟ ಸಂಬಂಧ ಎರಡು ಪತ್ಯೇಕ ಪ್ರಕರಣಗಳಲ್ಲಿ ಪೊಲೀಸರು ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ.
ಮ.ಬೆಟ್ಟದ ಜನತಾ ಕಾಲನಿಯ ರವಿಶಂಕರ್, ಆಣೆಹೊಲ ಗ್ರಾಮದ ಚಂದ್ರು ಹಾಗೂ ಇಂಡಿಗನತ್ತ ಗ್ರಾಮದ ಮಹೇಶ್ ಬಂಧಿತರು.
ಮ.ಬೆಟ್ಟ ಪೊಲೀಸರಿಗೆ ಶನಿವಾರ ಹುಲಿಗೂಡಿನ ಸಾರ್ವಜನಿಕ ಸ್ಥಳದಲ್ಲಿ ಅಕ್ರಮ ಮದ್ಯ ಮಾರಾಟ ಮಾಡಲಾಗುತ್ತಿದೆ ಎಂಬ ಬಗ್ಗೆ ಮಾಹಿತಿ ದೊರಕಿದೆ. ಕೂಡಲೇ ದಾಳಿ ನಡೆಸಿದ ಪೊಲೀಸರು ಚಂದ್ರು ಹಾಗೂ ರವಿಶಂಕರ್ ಬಂಧಿಸಿ 50 ಮದ್ಯದ ಪೌಚ್ ವಶಪಡಿಸಿಕೊಂಡರು. ಹಾಗೆಯೇ ಮತ್ತೊಂದು ಪ್ರಕರಣದಲ್ಲಿ ಪಾಲಾರ್ಗೆ ತೆರಳುವ ಗೇಟ್ ಬಳಿ ಅಕ್ರಮ ಮದ್ಯ ಮಾರಾಟ ಮಾಡುತ್ತಿದ್ದ ಮಹೇಶ್ ಎಂಬಾತನನ್ನು ಬಂಧಿಸಿ 10 ಬಿಯರ್ ಬಾಟಲ್ ಹಾಗೂ 10 ಮದ್ಯದ ಪೌಚ್ ವಶಪಡಿಸಿಕೊಂಡ ಪೊಲೀಸರು ಈ ಮೂವರು ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ನೀಡಿದ್ದಾರೆ. ಈ ಸಂಬಂಧ ಮ.ಬೆಟ್ಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ದಾಳಿಯಲ್ಲಿ ಅಪರಾಧ ವಿಭಾಗದ ಎಸೈ ರವಿ, ಸಿಬ್ಬಂದಿಗಳಾದ ವಿನೋದ್, ರಮೇಶ್ ಹಾಗೂ ಮಹೇಶ್ ಭಾಗಿಯಾಗಿದ್ದರು.
