ಐಎಂಎ ರಾಷ್ಟ್ರೀಯ ಡೀನ್ ಡಾ ರಾಯಪರ ರಮೇಶ ಬಾಬು ಮಾತನಾಡಿ ಸಾರ್ವಜನಿಕರ ಆರೋಗ್ಯ ರಕ್ಷಣೆಯಲ್ಲಿ ಪ್ರೈಮರಿ ಕೇರ್ ಫಿಜಿಶನ್ ಪಾತ್ರ ಅತ್ಯಂತ ಮಹತ್ವದ್ದಾಗಿದೆ. ವೈದ್ಯರ ಮೇಲೆ ಹಲ್ಲೆಗಳು ಆಗುವುದು ಕೇವಲ ದೊಡ್ಡ ದೊಡ್ಡ ಆಸ್ಪತ್ರೆಗಳಲ್ಲಿ ಮಾತ್ರ ವೈದ್ಯರು ಮತ್ತು ರೋಗಿಗಳ ನಡುವೆ ಉತ್ತಮ ಸಂಬಂಧ ಬೆಳೆದಾಗ ಯಾವುದೇ ಸಮಸ್ಯೆಗಳು ಸೃಷ್ಟಿಯಾಗುವುದಿಲ್ಲ ಎಂದು ಹೇಳಿ, ವೈದ್ಯರು ಅನುಸರಿಸಬೇಕಾದ 7 ಪ್ರಮುಖ ಅಂಶಗಳನ್ನು ತಿಳಿಸಿದರು. ಆರೋಗ್ಯ ಸಚಿವ ದಿನೇಶ ಗುಂಡೂರಾವ್, ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಶರಣ ಪ್ರಕಾಶ ಪಾಟೀಲ ಮುಂತಾದವರು ಮಾತನಾಡಿದರು. ಐಎಂಎ ರಾಜ್ಯಾಧ್ಯಕ್ಷ ಡಾ.ಶಿವಕುಮಾರ ಲಕ್ಕೋಳ ಸ್ವಾಗತಿಸಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಡಾ ಸುಜಿತ್ ವಾಲಿ, ಡಾ ವೆಂಕಟಾಚಲಪತಿ, ಡಾ ರಮೇಶ ಬಾಬು, ಡಾ ಅಂಬುರಾಜನ್, ಡಾ ಪವನಪಾಟೀಲ, ಡಾ.ಪಿ.ವಿ.ಕುರುಣಾಕರನ್, ಡಾ ವಿಜಯ ಸಾರಥಿ, ಡಾ ಅಣ್ಷಯ್ಯ, ಡಾ ಸವಿತಾ, ಡಾ.ಪ್ಯಾರಾಅಲಿ ನೂರಾನಿ, ಡಾ.ಶ್ರೀಧರ ಕುರುಡಗಿ, ಡಾ.ಬಸವರಾಜ ಬೊಮ್ಮನಹಳ್ಳಿ , ಡಾ ಜಯರಾಜ, ಡಾ.ಆಲೂರ ಸೇರಿದಂತೆ ದಕ್ಷಿಣ ರಾಜ್ಯಗಳ ಸಾವಿರಾರು ವೈದ್ಯರು, ವೈದ್ಯ ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದರು.
